錦麗

營業中

休息中

今早去了九龍灣德福商場尋找餐廳，發覺大多數餐廳營業時間都在11：00或之後，聊聊可數祇得幾間餐廳正在營業，看見錦麗越南牛肉粉專門店嘅早餐都幾啱胃口，於是就入去一試。香茅豬扒湯金邊粉呢個餐都頗為豐富，有豬扒湯金邊粉、牛角包、炒蛋和熱飲。湯金邊粉比較鞋口，但湯底清甜。豬扒因為跟湯粉分開盛載，所以可以保全外脆內軟，香茅味濃，咬落去肉汁微微滲出，味道唔錯。牛角包皮脆內軟，有微微的牛油香味，不會覺得太漏。喜歡食半生熟的蛋就啱晒我，炒蛋不會過生和過熟，恰到好處，勁滑和有蛋香味。