錦麗

營業中

休息中

✨九龍灣·錦麗✨🔹🔹🔹🔹🔹🔹🔹🔹🔹🔹🔹自己行完街又走左入黎食火車頭河，好中意個湯底夠濃郁，河粉一定要堂食先夠滑😋仲叫左個春卷小食，脆卜卜好香口☺️飲品叫左青檸香茅百香果茶，好特別酸酸甜甜咁好開胃🥰🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

收工同阿媽撐檯腳，想食越南野，於是搵到依間錦麗，menu都好似幾吸引，由於太肚餓，見到個2人餐唔洗諗即叫，諗住食豐富d，估唔到份量都幾大。先黎一個拼盤，咩都有d而且熱辣辣，早知個拼盤有豬扒我就唔叫咖哩豬扒飯啦，食唔晒d豬扒，個咖哩汁微辣有椰汁香，撈飯好開胃，我媽叫左碗牛肉湯粉，包埋2杯野飲，不過不失，唯一唔好座位好迫，仲要同人搭檯。

正價餐牌$40馬拉盞時蔬得5條菜心，同侍應反映，佢仲話係公司要求定量… d菜就咁淥熟加d醬，冇炒過，勁hea! 用餐體驗好差，完全係割星斗市民韮菜！！ 唔建議食！去幫襯小店冇咁嬲！

今早去了九龍灣德福商場尋找餐廳，發覺大多數餐廳營業時間都在11：00或之後，聊聊可數祇得幾間餐廳正在營業，看見錦麗越南牛肉粉專門店嘅早餐都幾啱胃口，於是就入去一試。香茅豬扒湯金邊粉呢個餐都頗為豐富，有豬扒湯金邊粉、牛角包、炒蛋和熱飲。湯金邊粉比較鞋口，但湯底清甜。豬扒因為跟湯粉分開盛載，所以可以保全外脆內軟，香茅味濃，咬落去肉汁微微滲出，味道唔錯。牛角包皮脆內軟，有微微的牛油香味，不會覺得太漏。喜歡食半生熟的蛋就啱晒我，炒蛋不會過生和過熟，恰到好處，勁滑和有蛋香味。

超級差體驗 冰仲多過杯飲品咁滯 收$36淨返既份量200ml都吾知有冇。去買杯廢水大大杯都係咁既價。錦麗真係冇以後。問個員工 個態度仲要係話不嬲都係得半杯既份量😅聽到都o左

星期五的晚上和男朋友去德福逛逛。肚餓了便去了吃越南菜。因為星期五的關係需要排隊。我們排了大約15~20分鐘就有位。還好不用等太久😝叫左胡志明綜合粉有生牛肉。牛腩。牛丸🥩牛丸好食彈牙。生牛肉及牛腩正常。越式蟹🦀.肉餅蕃茄湯檬粉想食了一段時間。今天終於可以嘗試。無奈好失望 , 上檯時以為黎錯左...圖片及名稱是寫蟹肉餅。但到頭來是蟹肉碎。之後問職員她說已跟公司反映，表示這件事已經不是第一次有客人查問。不過菜式也沒有什麼改變。各位如果想試試蟹肉碎的話 , 可以去試一試啊🤷‍♀️金絲網蝦春卷（2條）晚市可加$25有一份小食凍清甜甘蔗汁不太甜。清新可解渴。熱自家薏米水帶有薑味的薏米水。

雞絲扎肉香濃雞湯金邊粉望下餐牌，個樣都叫正路，就叫左尼到之後，一夾起，碗入面得：雞絲三條 扎肉兩片 芽菜三條 金邊粉半碗成為72大元唔講以為廚房呀姐食左一半以後唔會幫襯

雖然今日端午節假期，但係德福商場唔算多人，因為有一定人群係去咗睇龍舟/應節嘅地方。 揀咗 ~越南錦麗~ 食個lunch, 排隊都等左18-20分鐘， 差不多14:00入座，手機落單，上菜都好快～ 先講返點解標題咁可悲，「錦麗」呢個名喺越菜界都算知名，標榜正宗，好味，但係今日我想舒服啲食餐正宗美味嘅越式午餐都唔得😰。排隊等位唔緊要，香港地方係咁架啦，入座時見到張枱間到咁細，要面壁，我同老公都提議可以等多陣，坐張正常啲，叫多啲野食，員工都話冇，二人枱係得呢啲 🥺 你哋話可唔可悲呢？ 商場喎，唔係街鋪。講返個實際情況，我同老公坐喺左方位置4人枱，中間打橫放隔板，同時有另一pair一齊入座，我圈住個位置有張二人枱自成一角，加放一張圓凳，職員話係有三人先安排個張枱，大家見到其實個位都好細，由我哋排隊等位直到食完嗰一刻，嗰張枱都冇人坐嘅。而我哋用餐途中，就有兩位員工放飯，好舒服咁坐喺後面四人枱⋯⋯ 再睇下我哋用餐位置 😆 你哋話點叫多2個小食呢？！我覺得點解唔打對面坐，又可以用少一張隔板，而家好有食飛機餐嘅感覺 😆（壓迫感）評價返啲食物先，我個生牛河湯底好甜，唔係肉汁個種甜，係加咗糖個種，所以我

今日到九龍灣德福商場食早餐經過錦麗，見佢早餐餐牌幾吸引，就入去叫咗個早餐！我就揀咗香茅豬扒金邊粉，湯底淡淡地冇乜味，豬扒都比較乾身！跟餐配香炒滑蛋，味道還好，仲有牛角包！

越南河粉是我的最愛美食❤️濃郁清新的牛骨湯配上爽滑河粉，讓人停不下口。生牛肉河粉未必大家能吃慣，因為是直接生牛肉上倒入熱湯來燙熟，有可能上菜時帶點粉紅💓但來到錦麗必點它們的牛丸河粉！！！巨好吃！！！牛丸爽口彈牙，超重牛味，不可錯過！！

今晚星期五唔想煮飯，同老公行街兼搵食，經過錦麗諗起都好耐無食嘞，我哋叫咗兩個鮮牛肉河，加個小食拼盤，仲有養生茶，覺得保持水準，見人流都好多有人店外排隊，感覺幾好。

同朋友係德福搵地方食lunch, 因為想食越南湯粉就揀左好耐無食過嘅錦麗，平日中午12點幾去等一張枱，幾分鐘就入得去，食嘅途中就開始要排隊了。雖然搭枱但係有板分隔，餐廳係用QR code點餐，仲有wifi提供。胡志明綜合粉 $74綜合粉有熟牛肉、生牛肉、牛丸。生牛肉上到枱仲有少少粉紅，都算嫩；熟牛肉係牛腩位置、煮到好稔唔會咬唔開；牛丸同以前食開嘅唔同曬，以前咬落去會有牛汁但呢個無，有啲失望。河粉算滑但湯底偏油。

之前成日嚟錦麗都係食粉麵為主因為佢個牛丸真係做得好出色，勁多肉汁今次試下其他野先牛面頰肉撈矇個牛超級淋，而且煮得好入味份量有四至五舊左右咖喱香茅豬扒飯豬扒能夠保持肉汁之餘，亦炸得剛剛好咖哩都整得唔錯，有幾舊炸咗嘅薯仔

今日經過九龍灣德福，附近個啲食肆都要排隊，趕時間就求其搵一間吾駛點等既入去坐。呢個河粉有手指公推介所以試下，剩系呢個面都要百零蚊算貴。牛丸吾錯，牛筋同生牛肉都一般。整體性價比一般啦。

今日嚟到九龍灣食早餐，經過見到早餐set好似幾平幾抵食，就入去試下。因為舖頭本身係食越南嘢，所以菜式都係有越南風味，選擇唔算多，但價錢都幾實惠。我叫咗個香茅豬扒米粉，跟餐牛角包有牛油香味，都幾鬆化；炒蛋做得幾好，加咗啲香葉入去一齊炒幾特別，都炒得幾滑；豬扒就普普通通，幾多骨，米粉係清湯底，基本上無乜味。咖啡就正正常常唔難飲。總括嚟講，想平平地食餐飽又唔算難食嘅早餐，呢間係唔錯嘅選擇，但要追求味道嘅話，可能就要諗過。