影片
更多
2020-08-09
1479 瀏覽
今日突然想食下點心，但又唔想去茶樓，所以就搵左依間隱身係工廈既點心工房。佢個位置真係有d隱蔽，要係工廈一個類似後樓梯既門口入去再上一層先到，由於個門口唔太顯眼，所以都搵左一陣先見到個門口。咁個日都幾多人，但疫症期間要隔開，所以d位都算幾闊落，不過環境同用具就唔算係好乾淨，因為一坐低就發現個碗係污糟要叫人換過隻，另外地下仲有少少食物碎，同埋可能個通風麻麻，然後個日又好熱，所以人一多就會有陣酸縮味咁今次就叫左幾樣上網見都幾受歡迎既點心，首先係依籠蝦餃，雖然得兩粒，但佢個size係比一般既大，所以蝦既份量都比較多，而d蝦唔算話好鮮，但唔會有陣蝦腥味，而且調味適中唔會過咸，但個皮就稍為厚左d。其次就係碟素腸，佢餡既份量唔算多，但味道都係適中唔會過咸，個皮都好滑，但如果可以薄多少少就更好啦～之後到依個紅棗糕，佢真係一上枱就係依個經歷左地震既樣，但佢個味係唔錯既，係偏淡既紅棗味，唔會話好甜，而質地Q彈唔痴牙，同埋係好滑身。然後就到依個溫泉蛋牛肉飯，個人就覺得麻麻地。首先個蛋已經熟晒，完全無溫泉既感覺。另外個牛肉應該就係山竹牛肉既牛肉，份量唔算多，但個牛肉味幾濃，唔會好大陣膻味，同埋都彈牙。而底下飯
咁個日都幾多人，但疫症期間要隔開，所以d位都算幾闊落，不過環境同用具就唔算係好乾淨，因為一坐低就發現個碗係污糟要叫人換過隻，另外地下仲有少少食物碎，同埋可能個通風麻麻，然後個日又好熱，所以人一多就會有陣酸縮味
咁今次就叫左幾樣上網見都幾受歡迎既點心，首先係依籠蝦餃，雖然得兩粒，但佢個size係比一般既大，所以蝦既份量都比較多，而d蝦唔算話好鮮，但唔會有陣蝦腥味，而且調味適中唔會過咸，但個皮就稍為厚左d。
蝦餃
46 瀏覽
1 讚好
0 留言
其次就係碟素腸，佢餡既份量唔算多，但味道都係適中唔會過咸，個皮都好滑，但如果可以薄多少少就更好啦～
羅漢齋素腸
43 瀏覽
0 讚好
0 留言
之後到依個紅棗糕，佢真係一上枱就係依個經歷左地震既樣，但佢個味係唔錯既，係偏淡既紅棗味，唔會話好甜，而質地Q彈唔痴牙，同埋係好滑身。
紅棗糕
86 瀏覽
0 讚好
0 留言
然後就到依個溫泉蛋牛肉飯，個人就覺得麻麻地。首先個蛋已經熟晒，完全無溫泉既感覺。另外個牛肉應該就係山竹牛肉既牛肉，份量唔算多，但個牛肉味幾濃，唔會好大陣膻味，同埋都彈牙。而底下飯既份量都多，但d飯煲得唔係咁平均，佢外層既係比較乾，而中間係淋晒，同埋係無飯味，所以食左幾啖就無再食。整體佢三樣食物既味道唔係好夾，食落d味好似分開晒咁，所以可能就咁叫籠山竹牛肉球食會開心d。
溫泉蛋牛肉飯
48 瀏覽
0 讚好
0 留言
最後其實仲叫左籠京式叉燒包但唔記得影相，本身係想叫墨西哥個款，但唔小心劃錯左，不過佢傳統依款都幾好食，佢個包都幾大個，而個餡料都好足同埋味道濃郁，而個包皮比較厚身但唔會太痴牙，如果5分滿分都有4分。
整體黎講點心質素都唔錯，但飯類就麻麻，而價格都抵食，係環境同衛生可以改善一下就更好啦～
張貼
