更多
2018-08-22
2864 瀏覽
第一次食和氣食堂已經覺得唔錯，係值得再嚟嘅餐廳。難得今日又嚟黃大仙食晚飯，仲唔畀我揾到機會再食？店入面差唔多坐滿曬，好彩去到啱啱好有位～朋友拍版嗌咗呢個沖繩風沙律。一嚟到見到啲綠色 一條條唔知乜嚟覺得好奇怪，朋友介紹之下先知道原來係沖繩特產海葡萄～係好有益嘅食物，真係恕小妹無知啦。咬落脆卜卜噉又鹹鹹地幾易入口，真係長知識了。呢個黑松露鵝肝卷係幾特別，但口感就唔算太好，唔知係煎得太熟定點。白咖喱烏冬係呢度必試嘅食物！好大份又creamy ，忌廉同薯仔一齊打到起泡，翻開佢原來入面仲有好多咖喱！雖然冇乜配菜，但豐富嘅口感都搭夠。呢個泡飯都幾過癮，魚湯好鮮甜，但啲配料就有啲乾。如果可以落多少少油去煮啲料會更好。食飽唔夠候要填飽埋個甜品胃，所以嗌咗個抹茶雪糕。不過唔係一般嘅雪糕，而係阿法奇朵 (affogato) 雪糕。本身係意式甜品嘅阿法奇朵係用熱咖啡淋上雪糕，但呢個竟然用咗抹茶!! 抹茶淋上抹茶雪糕簡直就係雙重享受，實在夠晒創新又好食。試過兩次呢度嘅嘢食都冇令我失望，希望嚟緊有機會再試埋其他～
店入面差唔多坐滿曬，好彩去到啱啱好有位～
沖繩風沙律
$58
41 瀏覽
0 讚好
0 留言
朋友拍版嗌咗呢個沖繩風沙律。一嚟到見到啲綠色 一條條唔知乜嚟覺得好奇怪，朋友介紹之下先知道原來係沖繩特產海葡萄～係好有益嘅食物，真係恕小妹無知啦。咬落脆卜卜噉又鹹鹹地幾易入口，真係長知識了。
千回火鳥
$38
33 瀏覽
0 讚好
0 留言
黑松露鵝肝帆立貝卷
$65
25 瀏覽
0 讚好
0 留言
呢個黑松露鵝肝卷係幾特別，但口感就唔算太好，唔知係煎得太熟定點。
白咖喱烏冬
$88
32 瀏覽
0 讚好
0 留言
白咖喱烏冬係呢度必試嘅食物！好大份又creamy ，忌廉同薯仔一齊打到起泡，翻開佢原來入面仲有好多咖喱！雖然冇乜配菜，但豐富嘅口感都搭夠。
櫻花蝦大海蝦帆立貝鯛魚湯泡飯
$108
24 瀏覽
0 讚好
0 留言
呢個泡飯都幾過癮，魚湯好鮮甜，但啲配料就有啲乾。如果可以落多少少油去煮啲料會更好。
宇治抹茶阿法奇朵
$38
32 瀏覽
0 讚好
0 留言
食飽唔夠候要填飽埋個甜品胃，所以嗌咗個抹茶雪糕。不過唔係一般嘅雪糕，而係阿法奇朵 (affogato) 雪糕。本身係意式甜品嘅阿法奇朵係用熱咖啡淋上雪糕，但呢個竟然用咗抹茶!! 抹茶淋上抹茶雪糕簡直就係雙重享受，實在夠晒創新又好食。
試過兩次呢度嘅嘢食都冇令我失望，希望嚟緊有機會再試埋其他～
張貼
