714
39
9
港鐵黃大仙站 D3 出口 繼續閱讀
所有分店 (2)
電話號碼
26418829
營業時間
今日營業
11:00 - 23:00
星期一至日
11:00 - 23:00
付款方式
AlipayHK 支付寶 現金
其他資料
當面支付
食評 (821)
等級4 2020-11-20
58 瀏覽
呢半年都好少見朋友 今日難得約咗個友人 就食佢好喜歡嘅和氣食堂啦 之前都嚟過呢間餐廳 覺得都幾有水準 唔知質素係咪仲同之前一樣呢😮 安格斯牛扒他他沙律 配黑醋 牛嘅份量好多 生熟嘅程度亦都好適中 呢個沙律作為前菜 又唔會太膩🥗鰻魚牛油果班戟2件 好罕見嘅菜式 通常日式餐廳都係用壽司卷嘅形式將鰻魚同牛油果放埋一齊 用班戟包住晒佢哋都好驚喜 俾用壽司飯包住light好多 可以食多啲其他嘢😛千回火鳥 3隻 唔好以為佢係好普通嘅燒雞翼 佢除左有蜜糖味仲有少少微辣 令到你想追住嚟食 可能係我都幾鍾意食辣 所以覺得可以再辣啲😉3點刺身盛 有三文魚 章紅魚 同甜蝦 刺身好肥美 又厚身 係個好豐富嘅刺身盛😻 第一次食章紅魚 口感唔錯 有陣淡淡嘅魚油味白咖哩烏冬 上次嚟覺得好食 所以又再點 咖哩唔會太辣 烏冬都幾彈牙 食落個白咖喱有種薯蓉嘅口感 好特別 再配埋唔係太厚粉嘅炸雞 份量都足夠🙊黑豚肩燒丼 上碟時配埋一碟細細嘅泡菜 豚肉唔會燒得太乾 再加埋秘製醬汁 甜甜地咁好好送飯🐷凍抹茶鮮奶 唔會太甜 抹茶味都好重🍵阿法奇朵 雲呢拿雪糕再加espresso ☕️ 好重牛乳味 甜度可以由咖啡多少去控制🙊呢餐日本菜好豐富 真係食過翻尋味😋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-16
69 瀏覽
今日小妹又同男友黎真。食堂食野啦。平時我地多數都係星期六日黎食lunch,晚市就真係比較耐啦。首先就緊係點返個沙律開一開胃先啦。我地點了火焰左口魚邊牛油果沙律,沙律上的黑松露非常之多。Mix埋沙律當中為成個沙律增添了一層濃厚既香味與香氣,超正!左口魚依舊鮮味,而且份量仲一d都唔少。沙律菜都好新鮮,咬落食得出既爽口。仲有足料又大大片既牛油果,夠晒都幾開胃飽肚。再黎每次都必點既刺身拼盤。當中既海鮮魚生keep住一直既高水準!三文魚係厚切新鮮肉嫩。油甘魚爽口而蝦刺身就鮮味十足啦!正!千回火鳥就係燒雞翼啦。雞翼外皮香脆,有食到少少燒過既焦香。而雞肉亦嫩滑非常!依款係牛油果芒果三文魚班戟。入面既芒果非常好味,連唔鐘意食芒果既男友都覺得好味!班戟皮相對就厚了一點點!主食方面我地點了「白咖哩烏冬」,烏冬上面既白色既薯蓉好似CREAM一般順滑。而當中既咖哩唔會太重味,微辣既烏冬同CREAM搭埋一齊食仲異常地夾。炸雞分量都好大件,而且岩岩炸好,味道幾好!另外還點了大阪豬扒丼,上面堆到勁多椰菜絲,再配上醬汁好有大阪風味。分量真係超多!在滿滿的椰菜下就係滑蛋吉列豬扒啦。嫩滑滑蛋包裹住香脆既吉列豬扒,勁香口。今次我地都試左唔少平時無點過既食物,都幾有驚喜!值得一值光顧。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-11
290 瀏覽
呢間位於黃大仙中心嘅日式餐廳真係好有人氣,經常都有人群喺門口等位。屋企人都鍾意食日本野,所以今晚特登帶佢哋黎食餐好最後都無令我哋失望,樣樣都幾好食,屋企人都食得好開心4點刺身盛三文魚(3切)係超厚切!食落去口感超正,好滿足!章紅魚 (8切)呢款係薄切,每一塊都晶瑩剔透,食落有少少咬口,食到魚嘅鮮味廣島蠔(2体)都幾肥美,加少少檸檬汁,再點埋個微酸嘅醋汁,好鮮甜甜蝦(3体)係大大隻嘅有頭甜蝦,膠質好重,味道鮮甜安格斯牛扒他他沙律🥗見到款款沙律都好豐富,又清新,所以都點返個健康下好大碟好夠份量!沙律菜、車厘茄、青瓜、粟米,滿滿一大碟,當然少不了燒牛肉,加上酸酸地嘅沙律醋,好fresh,感覺良好,邪惡感⬇️大阪豬扒丼睇個賣相就知駕勢面頭嘅椰菜絲堆得高高,下面藏住嘅就係豬扒丼。豬扒大大塊,個日式醬汁好好味,撈飯一流整體滿意,下次會同朋友黎試多啲菜式 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-08
177 瀏覽
見完客放工好想食日本嘢喺黃大仙,諗起附近既呢間日本野之前食過都覺得好抵食我諗住搭喺黃大仙嘅人,都知道呢間和氣食堂好有人氣,我同同事七點左右去到,已經full House要等位好彩等咗一陣就有位,餐廳環境好大,佢仲放咗一塊高高嘅膠板格住d枱,食得夠晒放心餐牌食物方面超豐富,刺身,鍋物,壽司,炸物,料理,沙律,串燒火焰左口魚邊牛油果沙律:燒咗嘅左口魚上面仲有點左啲黑松露,配埋牛油果,真係一個好開胃嘅前菜鹽味燒牛舌:呢個好好味,牛舌一d都唔un三點刺身盛: 三文魚好肥美,啲海鮮同蝦都好新鮮三文魚椎茸燒:燒咗嘅三文魚又有另一番風味牛油果芒果三文魚班戟:呢個類似甜品嘅菜式,甜甜地,幾正黑豚肩燒井:黑豚肉切到好薄,加上佢有好大片,配埋佢嘅醬汁,撈飯一流白咖喱烏冬拼炸雞:咖喱烏冬上面有啲忌廉,撈埋一齊食,咖喱味入晒烏冬, 炸雞都揸得好Juicy仲有個係做緊推廣嘅好抵嘅combo: 電擊雞翼加薯條加宇治抹茶芭菲,只係$72,雞翼係凍食嘅有少少嘅辣味,薯條加咗少少糖上面,又新鮮感又好味嘅感覺,最後食埋呢個綠茶味既芭菲, 大家都覺得係超滿足嘅一餐仲有真係不得不讚佢哋嘅服務,無論上菜執碟同埋幫客人加水都好快手,仲好有禮貌,真係抵讚 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-27
3386 瀏覽
今日嚟到黃大仙約好朋友食飯聚舊,好友推介食日本嘢,話係親民價錢嘅居酒屋,入到餐廳果然人氣鼎盛!餐廳好易搵喺正地鐵站出口位,非常方便,裝修和風日系居酒屋風格。食物有 刺身、壽司、丼飯、鍋物、串燒,款式都幾全面!辛味吞拿魚牛油果卷吞拿魚厚身肥美,新鮮嫩滑。牛油果嫩滑營養豐富。 壽司沒有辛辣味,有很多芝麻香味,脆口甘香。4點刺身盛三文魚、甜蝦、油甘魚和生蠔, 四款海鮮刺身。三文魚肥美,油脂甘香。油甘魚薄切晶瑩剔透,肉質鮮嫩爽脆。甜蝦鮮甜爽口。蠔身肥美creamy爽滑!黑豚腩燒丼黑豚腩為豬腩肉,油脂豐富,特製醬汁醃得入味,外層微微燒焦,肉香撲鼻,非常惹味,拌飯一流。田樂麵豉燒日本米茄子日本米茄子短身肉厚嫩滑多汁,估唔到加咗麵豉醬嚟燒烤有驚喜,特別惹味,真係食到流曬口水。青蘋果奇異果梳打、檸檬藍柑梳打顏色鮮豔,造型吸引,最啱打卡。味道酸酸甜甜,冰凍解渴,開胃醒神! 繼續閱讀
(以上食評乃用戶個人意見 , 並不代表OpenRice之觀點。)