影片
更多
2019-02-24
4022 瀏覽
冇同過屋企人去食燒肉放題，就帶佢地去食下，又想食得經濟實惠啲，加上自己都想試下呢間就帶埋屋企人黎食。環境位於APM四樓，一條全部都係餐廳，我會稱之佢為「APM美食廊」，估唔到6pm左右前來已經大排長龍拎緊飛等位，生意十分好，等左一陣先有位，以放題餐廳黎講，入面唔算大，幸好被編排到一張私隱度高既枱，可以同屋企人更開心咁食放題。餐牌100分鐘放題分別有：大人氣超值放題(55款) $218、頂級澳洲和牛放題(87款) $288以及日本黑毛和牛放題(94款) $428。我地揀左中間價位既頂級澳洲和牛放題(87款) $288。頂級澳洲和牛放題(100分鐘) $288(另加一)含八十七款，分別有限定壽喜燒風燒肉套餐、沙律、泡菜/韓式菜、盛合/套餐、燒肉(自家醬汁/和風鹽燒汁/韓式辛辣、雞及豬、海鮮/燒野菜、前菜、飯/麵/湯、飲品、其他，共13個分項。限定壽喜燒風燒肉套餐呢個分頁內只有日本雞蛋同埋薄切和牛，壽喜燒配火鍋就食得多，配燒肉真係第一次試。由於好薄身，好快就熟要睇住時間，燒肉沾上生蛋液食真係別有一番風味，食落冇咁油同冇咁乾身，牛味又唔會被蓋過，唔錯。沙律：本陣招牌沙律用左少少醋調味，食
環境
位於APM四樓，一條全部都係餐廳，我會稱之佢為「APM美食廊」，估唔到6pm左右前來已經大排長龍拎緊飛等位，生意十分好，等左一陣先有位，以放題餐廳黎講，入面唔算大，幸好被編排到一張私隱度高既枱，可以同屋企人更開心咁食放題。
餐牌
100分鐘放題分別有：大人氣超值放題(55款) $218、頂級澳洲和牛放題(87款) $288以及日本黑毛和牛放題(94款) $428。我地揀左中間價位既頂級澳洲和牛放題(87款) $288。
頂級澳洲和牛放題(100分鐘) $288(另加一)
含八十七款，分別有限定壽喜燒風燒肉套餐、沙律、泡菜/韓式菜、盛合/套餐、燒肉(自家醬汁/和風鹽燒汁/韓式辛辣、雞及豬、海鮮/燒野菜、前菜、飯/麵/湯、飲品、其他，共13個分項。
限定壽喜燒風燒肉套餐
限定壽喜燒風燒肉套餐
61 瀏覽
0 讚好
0 留言
呢個分頁內只有日本雞蛋同埋薄切和牛，壽喜燒配火鍋就食得多，配燒肉真係第一次試。由於好薄身，好快就熟要睇住時間，燒肉沾上生蛋液食真係別有一番風味，食落冇咁油同冇咁乾身，牛味又唔會被蓋過，唔錯。
沙律：本陣招牌沙律
本陣招牌沙律
56 瀏覽
0 讚好
0 留言
用左少少醋調味，食落咸咸地，沙律菜都夠爽，又可以做開胃菜，又可以食緊燒肉時降膩，點左3、4碗。
泡菜/韓式菜：泡菜三式拼盤
有泡菜、青瓜、蘿蔔，偏咸左少少。
盛合/套餐：澳洲產和牛特盛五品盛合、日本產匠味豚豚肉組合
澳洲產和牛特盛五品盛合
澳洲產和牛特盛五品盛合
81 瀏覽
0 讚好
0 留言
腹胸肉
54 瀏覽
0 讚好
0 留言
應該分別係上級牛肋肉、牛肋肉、一口牛、腹胸肉、柔軟“身筋”扒。上枱望到牛肉唔算好新鮮，有一兩塊仲有少少黑邊，色澤偏沉少少，但味道比望落去要好，當中我最中意腹胸肉，𠝹左開花紋方便燒，食落去有嚼勁之餘但又不失鬆軟度，唔會燒到乾身，而柔軟“身筋”扒好厚身，但咬落去會爆牛肉汁，好juicy！另外上級牛肋肉、牛肋肉、一口牛口感都唔會，唔會有渣/咬唔爛既問題。
日本產匠味豚豚肉組合
有三款，分別係日本產黑豚豬腩肉、日本產黑豚豬梅肉、豬頸肉。全部都有醃過，其實唔洗點醬汁食都無問題，豬肉都冇豬腥味，而且燒完每塊都光澤十足，有水潤口感，完全不乾，黑豚豬腩肉/豬梅肉遲薄切，口感唔算好強烈，相對上豬頸肉比較有咬口。
燒肉(自家醬汁/和風鹽燒汁/韓式辛辣)
燒肉
35 瀏覽
0 讚好
0 留言
燒肉分類內的全部都係牛肉，只係再分左三個唔同既醃汁，款式近乎一樣，自家醬汁似燒汁、和風鹽燒汁咸味較出、韓式辛辣辣味唔夠，牛肉款式有而牛肉中既款式都有八款，可惜XL肋肉條售罄，只有七款供應，而當中五款有放「澳洲產和牛特盛五品盛合」中，上面已經講過就唔講。另外試左黃金燒汁壼漬牛肋肉，同普通牛肋肉食落去分別不大。
雞及豬：雞腎、雞軟骨、雞腿肉扒、美國大肉腸
雞腎比較乾同硬，雞軟骨正正常常，而雞腿肉扒就比較好食啲，厚肉啲。豬類就上面拼盤已經講過，另外試左美國大肉腸，有啲似台灣黑椒腸，但就幼身好多。
海鮮/燒野菜：海蝦、鹽燒帆立貝、原隻魷魚仔
鹽燒帆立貝
26 瀏覽
0 讚好
0 留言
原隻魷魚仔
33 瀏覽
0 讚好
0 留言
蝦應該都係解左凍既急凍蝦，但食落都唔會霉，口感都可以，而鹽燒帆立貝、原隻魷魚仔比較高質，前者醃得入味又幾彈牙，後者燒完好香口。
前菜：味付帶子群邊
又係偏咸，比較一般。
飯/麵/湯
都有不少選擇，但咁飽肚既野就冇試。
其他：牛舌、羊架
厚切牛舌
48 瀏覽
1 讚好
0 留言
羊架
32 瀏覽
0 讚好
0 留言
其實都唔係好明點解牛舌同羊架會分係其他類別，牛舌仲分厚/薄以及唔同醃製味道，試左厚切，真係夠厚身，緊記要燒至全熟先好食，燒至面頭微焦，較落去爽脆有嚼勁，唔錯。而羊架羶味十足且帶有肥膏，每人食左2隻！
飲品
選擇唔算特別多，但汽水、茶呢啲都有，仲有岩哂女士/怕肥人士既Coc- Cola Plus添！
甜品
食到70分鐘就會截單，然後上甜品，係每人一杯Häagen-Dazs雪糕，完美總結。
連埋加一每位$320，價錢中等，好既地方在於照顧到唔食牛既同行者，皆因佢唔止得牛肉，豬肉、雞肉、海鮮加起上黎再加有飯/麵，唔食牛肉既母親大人都表示食到好飽，質素都可以，中意食燒肉既朋友不妨一試。
張貼
