亞萊嘜嘜 (已結業)

本月26號夜晚同家人嚟食飯，當日餐廳好忙，冇枱，但好彩我一早Book 左枱，一入餐廳真係唔高興，有一個姐姐問幾多位，我咪話我有Booking啦，但嗰位姐姐好似咩都唔知咁叫我等，後來佢叫左個著黑恤衫應該係主任的姐姐嚟，嘩佢完全冇禮貌到好似我嚟Book枱食飯係我錯咁，就講book枱都要等等，冇禮貌到吖，我肯定會投訴，之後姐姐話有枱，帶左我上二樓，仲話有vip Room，當我一睇真係唔掂，我地情願等，好彩有大枱走，好彩二樓的同事好快幫我地執枱，由於我地到餐廳時，嗰兩位员工真係令到我好失望，想立即點菜，快啲食完快啲走，本身二樓環境唔太好，但好彩二樓的員工同一樓的好太多，尊業得多，可能係經理啦，著白色恤衫的男士，原全唔同，講解菜色，服務質數，專業的對答，我叫左珍多冰，好甜好甜，經理聽到，主動話如果太甜，我再整一杯啦，我話唔好意思的，但經理都同我換，仲要糖水另上，因為咁，我爸爸都好高興，經理真係唔同啲，一樓嗰位，肥肥的姐姐，同另外黑恤衫的姐姐冇得比。食物都好滿意不過嗰位男經理，服務，招呼都好好，下次去食大家記住揾返呢位經理,希望餐廳其它員工可向這位高高的男經理學習