影片
更多
2022-12-08
2993 瀏覽
有朋自遠方來，諗住去好啲嘅地方食啦。呢度，食物OK。夠熱。不過不失，但又唔令人難忘。喺Time Square，環境好好，裝修好好。最難忘係服務與環境成反比。叫餸，侍應阿姐一字起兩字止。永遠冇尾音，我做客人嘅仲多「唔該」過佢。叫鵝片，嚟個樣根本就係牛展。問兩次，侍應阿姐都晦氣咁話係鵝片，到第三次先有另一個侍應望兩望，攞返入廚房，換返碟完全真正嘅鵝片。問題唔淨係侍應阿姐，係99%嘅侍應。全部餅印一樣，都係冇尾音，真係譚仔阿姐都有禮貌過佢哋。唯一有啲禮貌嘅就係個經理，成個場嘅其他人就唔好要求咁多。問咗侍應同經理，都話係午市收4點，咁一場嚟傾多陣計都唔係好太過啫。食晏咁耐，冇人嚟換碟。仲話係高級中菜廳，去好少少嘅酒樓都好過佢。食完坐耐啲傾計，就話要收細房，要我哋搬出大廳。OK，冇問題，唔好阻住人哋做嘢。但係我哋做客嘅，就自己茶杯自己攞。客喎，埋咗單就唔係客啦。咁多字都係講佢嘅服務，可想言之佢哋嘅服務有嘅令人難忘。可能我哋唔係熟客，所以服務冇咁好。但係，唔想有機會做佢嘅熟客囉。
呢度，食物OK。夠熱。不過不失，但又唔令人難忘。
喺Time Square，環境好好，裝修好好。
最難忘係服務與環境成反比。
叫餸，侍應阿姐一字起兩字止。永遠冇尾音，我做客人嘅仲多「唔該」過佢。
叫鵝片，嚟個樣根本就係牛展。問兩次，侍應阿姐都晦氣咁話係鵝片，到第三次先有另一個侍應望兩望，攞返入廚房，換返碟完全真正嘅鵝片。
問題唔淨係侍應阿姐，係99%嘅侍應。全部餅印一樣，都係冇尾音，真係譚仔阿姐都有禮貌過佢哋。唯一有啲禮貌嘅就係個經理，成個場嘅其他人就唔好要求咁多。
問咗侍應同經理，都話係午市收4點，咁一場嚟傾多陣計都唔係好太過啫。
食晏咁耐，冇人嚟換碟。仲話係高級中菜廳，去好少少嘅酒樓都好過佢。
食完坐耐啲傾計，就話要收細房，要我哋搬出大廳。OK，冇問題，唔好阻住人哋做嘢。但係我哋做客嘅，就自己茶杯自己攞。客喎，埋咗單就唔係客啦。
咁多字都係講佢嘅服務，可想言之佢哋嘅服務有嘅令人難忘。
可能我哋唔係熟客，所以服務冇咁好。但係，唔想有機會做佢嘅熟客囉。
張貼