Bingo & Cook

營業中

休息中

今日同事又帶我去食韓國嘢，一入到去感覺都幾舒服，因為樓底高，空間感好好，裝修簡單得黎都幾靚，四個女子叫左一個部隊鍋($180)、海鮮蔥餅($110)、韓式無骨烤雞(原味$158)、牛肉炒粉絲($98)以及四杯飲品。呢度既侍應並非香港人，所以要用英語溝通，即使唔識，都可以指住餐牌叫，餐牌有中文。好快就黎左部隊鍋($180)，連埋個爐自己開火慢慢煮，有半個即食麵、腸仔、茄汁豆、菜、豬肉、蔥、魚片、年糕等，都幾豐富，味道OK韓式無骨烤雞(原味$158)有13件雞加2件小粟米及2粒薯仔，有3個汁提供可以點，但我食唔出係咩醬，各有特式，雞微辣，但整體都好好味！海鮮蔥餅($110)有菜、魷魚、紅椒青椒等，感覺料都多唔會淨係粉，而且不會糊口，都不錯！牛肉炒粉絲($98)的牛肉份量都幾多，加埋紅椒青椒和洋蔥等，粉絲淋得黎有口感，我幾鍾意。我叫嗰杯係藍苺奶昔($58)，賣相好靚，甜甜地而smoothie，有少少碎冰在當中！成件事好滿足！