NIRAS

營業中

休息中

呢排有口福，成日都有朋友請食飯，呢晚仲要係新餐廳！K11Musea 7樓這一間NIRAS, 我估應該唔係開咗好耐(不過我好少上7樓所以唔肯定)，係食泰國Fine Dining。Fine Dining確實食過唔少，行泰式嘅真係未試過，有期待架。這裡環境落足本，空間感足夠地方也舒適，要情調有情調，服務非常到位，殷勤真誠而且對細節很在意，感覺非常良好。食物質素定位也高，食材不吝嗇，十足Fine Dining氣派及Presentation。今晚這個 6道菜的晚餐絕對係好精致嘅配置。唯一美中不足的是，整體份量實在不多夠，若果是餓著肚子想來大「刷」一餐應該未必夠喉。餐廳不妨考慮加多一點較飽肚的食物，那就可以徹底滿足了。不過講開K11 Musea，不能不慨歎一句：已經好幾年了，我實在無辦法適應慢過行樓梯的電梯。我不是誇張，一諗起要在這商場搵電梯、等電梯、成個過程好似校咗5X慢動作的感受，真係好影響我考慮在這商場去幫襯要搭𨋢先上到去的餐廳。不過呢，可能只是我無耐性罷了，晚飯時間要等十分八分至十幾分鐘的電梯，可能這是閒事，不值一提吧。