影片
更多
2021-07-12
128 瀏覽
平日食lunch嚟開歌賦街，九如坊一帶都一定會見到Ode條打哂蛇餅既人龍，排得嚟可能都夠鐘開工。不過估計夜晚會少人啲，咁岩嚟到7月踏入夏天開始，想食一啲清淡得嚟又有啲豐富感既拉麵，就喺平日既星期四大約8點鐘嚟試下。大約等10分鐘就有位，其間職員都會送杯水俾排隊既客，係幾細心既。同埋排緊既時候先知沾麵原來係限量，咁岩輪到我哋就無哂...但都唔緊要啦，個人口味無特別鍾情沾麵，最終係職員幫助下係自助售價機前揀左清湯同白湯。入到去見到其實位置唔多大約只有10零個位，明白點解會一直都keep住有人龍。Serve食客既職員都有3個，會稍為講解下碗麵應該點食，另外烹調時間同上菜體驗都係正常既。先講清湯拉麵，湯底係清而帶微鮮，唔會覺得好重味精或者過咸，係比較溫和既，依家諗返成餐飯到走左之後都唔會覺得口乾，麵既本身亦係稍為幼身，亦較為平凡。我估主廚可能希望帶出呢碗麵亦有第二位主角-鯛魚肉：稍稍有火炙感覺既全熟魚肉碎幾香口，同麵一齊食都夾既。至於鯛魚魚皮都為成個麵提升左crispiness, 不過實在普通，又薄又唔香，甚至比一般粉麵檔仲要差，係失望既。而叉燒都還好啦，但同麵其實都係唔夾，可有可無。好彩係佢
大約等10分鐘就有位，其間職員都會送杯水俾排隊既客，係幾細心既。同埋排緊既時候先知沾麵原來係限量，咁岩輪到我哋就無哂...但都唔緊要啦，個人口味無特別鍾情沾麵，最終係職員幫助下係自助售價機前揀左清湯同白湯。入到去見到其實位置唔多大約只有10零個位，明白點解會一直都keep住有人龍。Serve食客既職員都有3個，會稍為講解下碗麵應該點食，另外烹調時間同上菜體驗都係正常既。
先講清湯拉麵，湯底係清而帶微鮮，唔會覺得好重味精或者過咸，係比較溫和既，依家諗返成餐飯到走左之後都唔會覺得口乾，麵既本身亦係稍為幼身，亦較為平凡。我估主廚可能希望帶出呢碗麵亦有第二位主角-鯛魚肉：稍稍有火炙感覺既全熟魚肉碎幾香口，同麵一齊食都夾既。至於鯛魚魚皮都為成個麵提升左crispiness, 不過實在普通，又薄又唔香，甚至比一般粉麵檔仲要差，係失望既。而叉燒都還好啦，但同麵其實都係唔夾，可有可無。好彩係佢執邊啲蠔醬，救返哂成碗麵。蠔既鮮味同湯底既鮮味互相提升，加埋啲魚肉一齊食完全係另一個層次，清淡得嚟豐富有風味，overall幾唔錯。
鯛魚清湯拉麵
8 瀏覽
0 讚好
0 留言
白湯拉麵湯底濃厚好多，感覺好足料，用左好多魚/鯛魚去熬製，鮮甜唔腥，好濃好稠既湯掛上麵一齊食，整個風味既衝擊力係大過清湯好多。如果覺得有些少「漏」既感覺，點一點柚子醬又可以加啲清新又酸甜既味道，又係玩層次玩得幾好既作品，就算食到最尾都唔會漏，值得一試。
鯛魚白湯拉麵
10 瀏覽
0 讚好
0 留言
總結今餐係滋味有質數既拉麵，感覺清新，唔係傳統豬骨或者其他海鮮湯底果種濃烈既味道，係食果種層次遞進既清雅風味，係夏天食係唔錯既。不過如果同同集團既座銀相比，我會選擇座銀，因為果款令人回味既濃郁雞湯底，加埋同麵對味蕾既衝擊，感覺係更豐富同滿足。Ode 係唔錯既，但食完又未至於想短期內回頭再食，或者睇睇心情啦。
張貼
