影片
更多
2022-03-17
811 瀏覽
💎總評分：8.0/10-今日喺金馬倫道附近搵食，呢一帶好多韓國餐館🇰🇷，咁啱經過一間裝修簡樸舒服嘅韓式小店，窗邊有隻霓虹燈飛天豬🐷，仲有啲心心吊燈掛係窗前，成間舖都好粉紅色💕，充滿住少女心嘅小編就好自然咁走左入去。Menu以傳統韓式家常菜為主，主打零味精&零防腐劑熱湯🍲、足料石鍋拌飯🍚、仲有多款蒸餃&煎餃🥟！1️⃣ 薯仔豬排骨湯 $148十多款熱湯選擇小編心大心細左好耐，全部可以追加韓國紅米飯或韓國麵條🍜。「薯仔豬排骨湯」喺韓國人眼中係非常有效嘅醒酒湯，相當足料有多類蔬菜，包括薯仔、芽菜、蘿蔔絲、洋蔥絲🧅同清菜🥬，當然仲有煲到好冧同入晒味嘅豬排骨😋。出奇地湯面唔算油，調味適中唔會過份鹹，絕對好食👏🏻！2️⃣ 醬炒牛肉石鍋芝士拌飯 $128飯上舖滿紫菜，雞蛋絲同各類野菜，包括翠玉瓜、蘿蔔絲🥕、芽菜、菇🍄同菠菜，當然唔少得芝士🧀，完全係個飯嘅精髓，搞拌時見到拉絲效果即刻食慾大增🤤！牛肉亦好入味🐂，多種配料加埋辣醬，一啖食落去層次感豐富🥰，飯底選用糙米幾特別，食到最後仲有飯焦，簡直係石鍋飯至高嘅境界💯！3️⃣ 餃子王 $16作為韓國人傳統美食之一，menu有多款蒸&煎餃🥟，比較特別嘅係餃子王，逐隻or
-
今日喺金馬倫道附近搵食，呢一帶好多韓國餐館🇰🇷，咁啱經過一間裝修簡樸舒服嘅韓式小店，窗邊有隻霓虹燈飛天豬🐷，仲有啲心心吊燈掛係窗前，成間舖都好粉紅色💕，充滿住少女心嘅小編就好自然咁走左入去。Menu以傳統韓式家常菜為主，主打零味精&零防腐劑熱湯🍲、足料石鍋拌飯🍚、仲有多款蒸餃&煎餃🥟！
1️⃣ 薯仔豬排骨湯 $148
十多款熱湯選擇小編心大心細左好耐，全部可以追加韓國紅米飯或韓國麵條🍜。「薯仔豬排骨湯」喺韓國人眼中係非常有效嘅醒酒湯，相當足料有多類蔬菜，包括薯仔、芽菜、蘿蔔絲、洋蔥絲🧅同清菜🥬，當然仲有煲到好冧同入晒味嘅豬排骨😋。出奇地湯面唔算油，調味適中唔會過份鹹，絕對好食👏🏻！
薯仔豬排骨湯
$148
20 瀏覽
0 讚好
0 留言
2️⃣ 醬炒牛肉石鍋芝士拌飯 $128
飯上舖滿紫菜，雞蛋絲同各類野菜，包括翠玉瓜、蘿蔔絲🥕、芽菜、菇🍄同菠菜，當然唔少得芝士🧀，完全係個飯嘅精髓，搞拌時見到拉絲效果即刻食慾大增🤤！牛肉亦好入味🐂，多種配料加埋辣醬，一啖食落去層次感豐富🥰，飯底選用糙米幾特別，食到最後仲有飯焦，簡直係石鍋飯至高嘅境界💯！
醬炒牛肉石鍋芝士拌飯
$128
38 瀏覽
0 讚好
0 留言
3️⃣ 餃子王 $16
作為韓國人傳統美食之一，menu有多款蒸&煎餃🥟，比較特別嘅係餃子王，逐隻order放喺小蒸籠入面賣相可愛又矜貴😽。餡料除左豬肉，仲有豆芽、蘑菇、豆腐同粉絲，再加入適當嘅調味🧂，口感比中式餃子鬆軟，大隻又好味。
餃子王
15 瀏覽
0 讚好
0 留言
4️⃣ 泡菜餃子王 $16
同樣係逐隻叫嘅蒸餃，主要分別係餡入面加左泡菜，味道即刻多左陣酸辣味🌶️，中意食辣嘅朋友可以一試👍🏻。
餃子王
$16
28 瀏覽
0 讚好
0 留言
食完之後先知道原來餐廳係韓國大廚班底🤭，怪唔之得質素咁高！以中等價位嚟講，食物足料好味，裝修除左窗邊嘅飛天豬同心心吊燈之外📸，整體都坐得舒服，想食韓國菜嘅可以嚟呢度同朋友聽住Kpop慢慢食！
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
題外話/補充資料：
🚗 餐廳位於金馬倫道地舖，對出有一排咪錶位，好多車就咁泊街，泊正喺門口望住就最安心啦！
(以上食評乃用戶個人意見 , 並不代表OpenRice之觀點。)
張貼
