芝加哥串燒 (美豐花園) (已結業)

我記得之前呢間餐廳係食西式意粉，但係今次再嚟嘅時候，佢轉變左做串燒，我覺得都幾特別。餐廳本身唔算好大，大概有六張枱，每張枱可以坐到四個人，但我特別想睇嘅係，呢度嘅店員服務態度非常好。一坐低嘅時候，我首先叫咗支1664，真係好耐未飲過白啤，佢呢一隻啤酒在帶點花香味，好清新。之後我哋叫咗碟黑松露薯條，佢呢度都幾揼本，好多黑松露，基本上每一條薯條都沾上左黑松露，佢另外雖然有俾茄汁我哋，但係我自己就覺得，黑松露薯條，唔點茄汁會仲好食。食完薯條，梗係要食少少野解油膩，我就叫咗燒菠蘿， $22 ，菠蘿設成三角形，受熱非常均勻，燒菠蘿燒得非常香，而且非常多汁，咬一啖之後，油膩感會冇晒。再之後就係今日嘅主打，A5鹿兒島和牛，$288，呢一樣野比其他嘢貴出一截，但我想講，真係非常非常非常非常非常非常非常好食。我特別欣賞佢個汁，係意大利黑醋配上檸檬汁，諗都冇諗過原來可以咁樣配搭，再配埋和牛，和牛本身都比較多脂肪，佢咁樣配搭之後，完全冇一種食到好滯嘅感覺。廚師真係有料到。每一啖都係入口即溶，每一啖都非常香。最後我特別想睇喺呢度嘅燒鮑魚，鋪滿左蒜蓉喺上面，然之後慢慢燒，非常香，再加上少少椒鹽，好好食。