影片
更多
2018-09-14
140 瀏覽
今日約咗個朋友喺K11買啲嘢，就順便尋覓吓附近有咩餐廳未試過。見到依間日本餐廳好評甚多，就決定試一試佢啦。幸好有先訂位，即使閒日都人流甚多，店內裝潢簡潔舒服，職員安排咗我哋坐係壽司吧前面，可以欣賞到刺身師傅處理食物手勢同專注。 入座職員即送上熱茶同餐牌，餐牌以平板電腦顯示，再有一張季節限定嘅餐牌可以參考。食物選擇太多，睇到眼花撩亂，就決定問吓職員有咩推介，經職員推介，最後串燒方面就叫咗燒羊架$68、串燒雞翼$32，日本銀杏$38。壽司就叫咗金目鯛壽司$58 x2、左口魚邊壽司$70 x2 同埋蔥花吞拿魚蓉壽司$48 x2。刺身方面就叫咗中拖羅刺身x2 $148、赤鯥魚刺身x2 $150、北海道牡丹蝦刺身x2 $148、半條秋刀魚刺身$124同左口魚卷海膽刺身$126。另外再叫多客豚肉生薑燒$98同手打安格斯牛肉石鍋烏冬$118。等食物時仲見到坐旁邊嘅客人同刺身師傅對話，客人直接問師傅咩食物最時令，師傅都好認真去解答咩季節食咩魚比較好，感受到餐廳嘅親切和對食物嘅認真。刺身先上，已經不禁心心眼，首先餐廳好貼心地將我哋二人叫嘅刺身分成各人一盤黎上菜，進食時就方便得多。另外刺身都放得非常精緻，
幸好有先訂位，即使閒日都人流甚多，店內裝潢簡潔舒服，職員安排咗我哋坐係壽司吧前面，可以欣賞到刺身師傅處理食物手勢同專注。
入座職員即送上熱茶同餐牌，餐牌以平板電腦顯示，再有一張季節限定嘅餐牌可以參考。食物選擇太多，睇到眼花撩亂，就決定問吓職員有咩推介，經職員推介，最後串燒方面就叫咗燒羊架$68、串燒雞翼$32，日本銀杏$38。壽司就叫咗金目鯛壽司$58 x2、左口魚邊壽司$70 x2 同埋蔥花吞拿魚蓉壽司$48 x2。刺身方面就叫咗中拖羅刺身x2 $148、赤鯥魚刺身x2 $150、北海道牡丹蝦刺身x2 $148、半條秋刀魚刺身$124同左口魚卷海膽刺身$126。另外再叫多客豚肉生薑燒$98同手打安格斯牛肉石鍋烏冬$118。
等食物時仲見到坐旁邊嘅客人同刺身師傅對話，客人直接問師傅咩食物最時令，師傅都好認真去解答咩季節食咩魚比較好，感受到餐廳嘅親切和對食物嘅認真。
中拖羅刺身、赤鯥魚刺身、北海道牡丹蝦刺身、半條秋刀魚刺身及左口魚卷海膽刺身
34 瀏覽
0 讚好
0 留言
刺身先上，已經不禁心心眼，首先餐廳好貼心地將我哋二人叫嘅刺身分成各人一盤黎上菜，進食時就方便得多。另外刺身都放得非常精緻，可見師傅十分細心，而且刺身好有光澤，全部都好新鮮。
半條秋刀魚刺身 - 一向怕腥嘅我其實有啲怕食秋刀魚，不過連蔥食除咗無腥味之外，更加能突出秋刀魚特別嘅油香，不錯。
左口魚卷海膽刺身 - 未試過依種食法，用左口魚捲海膽令口感更多豐富且兩者味道好配合。
赤鯥魚刺身 - 赤鯥魚肉帶皮，再將皮輕輕燒過，令魚皮中的油更加香且魚身嘅口感更佳。肉甜又夠爽脆，好味!
北海道牡丹蝦刺身 - 蝦肉肥美，鮮甜無比，口感爽口，但咬落去有種黏性令到蝦嘅鮮甜味一路留係口腔入面。
中拖羅刺身 - 非常滿意! 超厚身，脂油分佈均勻，肉質嫩滑細膩，放進口拖羅慢慢咁溶化，拖羅的油香令人食完齒頰留香。實在係太滿足。
之後上嘅壽司一樣有幫我哋分成兩盤上，好貼心啊仲擺放得好精美。
金目鯛壽司、左口魚邊壽司 及 蔥花吞拿魚蓉壽司
24 瀏覽
0 讚好
0 留言
金目鯛壽司- 見到魚肉如此粉嫩通透，實在令人食指大動，油份多且味道濃
左口魚邊壽司 - 魚肉表面燒過，所以一上菜已經聞到佢嘅香味，而且師傅將魚身輕輕切下斑紋，可見師傅的刀功深厚，而且經師傅咁樣處理後嘅魚身更加爽滑。
蔥花吞拿魚蓉壽司 - 吞拿魚蓉細膩柔滑，蔥花更能增加清爽口感。
燒羊架、串燒雞翼及日本銀杏
25 瀏覽
0 讚好
0 留言
串燒有燒羊架、串燒雞翼，日本銀杏。
燒羊架 - 份量都幾多，肉質彈牙。
串燒雞翼 - 將雞翼攤開來燒，食起上來更加方法，而且更加入味。
銀杏 - 平時比較少食, 雖然只是簡單地用鹽燒，但更加感受到銀杏特殊的香氣，唔錯。
豚肉生薑燒
$98
16 瀏覽
0 讚好
0 留言
豚肉生薑燒 - 有驚喜，醬汁好特別，帶點甜但又有好濃嘅洋蔥同薑味，同豚肉好夾，而且豚肉煮得夠軟身同入味。
手打安格斯牛肉石鍋烏冬
$118
25 瀏覽
0 讚好
0 留言
手打安格斯牛肉石鍋烏冬 - 淨飲個湯可能會覺得味道有點清淡，但混埋蛋一齊食味道就剛剛好，我就幾欣賞依種簡簡單單無乜味精嘅湯底。而且用咗質素好嘅牛肉，沒有多餘脂肪都做到入口即溶嘅效果，烏冬夠彈牙，唔錯。
雖然價格不算便宜，但品嚐到依種質素嘅刺身真係值得，會為刺身而再encore依間餐廳
張貼
