517
27
8
港鐵尖沙咀/尖東站 N2 出口, 步行約2分鐘 繼續閱讀
電話號碼
26222095
開飯介紹
刺身由日本空運直送,相當鮮甜,手打烏冬亦值得一試。 繼續閱讀
附加資料
五人枱起最低消費每人$300 用餐時間2小時
營業時間
今日營業
12:00 - 14:00
18:00 - 23:30
星期一至日
12:00 - 14:00
18:00 - 23:30
付款方式
Visa Master AlipayHK 支付寶 現金 AE 銀聯
座位數目
50
其他資料
支持防疫 詳細介紹
網上訂座
Wi-Fi
酒精飲品
自帶酒水 詳細介紹
切餅費
電話訂座 詳細介紹
外賣服務
加一服務費
當面支付
有關獎賞計劃
食評 (582)
坐廚師枱有個好處,可以一睹廚師即場獻技將新鮮魚生切片,然後送到自己面前,一飽眼福。鯛魚刺身($49),色澤鮮豔,魚生呈晶瑩剔透,味道鮮甜,有咬口。深海池魚刺身,大大件,非常厚,有魚既鮮味,口感似吞拿魚。鰤魚刺身($98),我覺得這款魚最好味,近魚皮位置既肉好爽口,有彈牙口感,甘甜肥美。金目鯛魚壽司,肉質軟綿綿,而且經過火炙處理,有焦香既味道,頂層橙色既係帶少少微辣。左口魚壽司($25),肉質較結實,咬落較爽口彈牙,而且壽司已塗上秘制醬汁,已經好夠味。串燒黑豚蘆筍($38),豚肉軟腍配蘆筍既爽口,非常夾,表面曬上鹽粒和黑椒粒好香口惹味,咬開豚肉咇晒d油脂出黎。串燒雞翼($32),已起肉,咁樣兩邊燒得均勻,唔會表面熟內裏生,雞皮好香脆,而且雞翼有肉汁。安格斯牛扒($188),牛扒目測已全熟,但食落唔會好韌,肉質易咬開,部分肉會牽帶著少少肥膏,食落會更香口,配埋店家自制醬汁,味道帶甜。黑豚石頭鍋飯($118),非常大碗,豚肉幾乎覆蓋晒整碗飯,加埋有蛋黃汁,可以撈起黎食,好滑。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-15
359 瀏覽
朋友已經結婚一個月了, 因為疫情關係 晚宴擺酒的美夢落空, 唯有以小組形式相約朋友出來慶賀。 今晚終於輪到我同佢慶祝😁😁, 精挑細選了她喜歡的日本菜😎特地比她早一點來到餐廳, 聽了師傅的推介, 為她準備一個完美的慶祝晚餐。鰤魚刺身+ 彷彿魚刺身+鯖魚刺身鰤魚是大品種油甘魚 ,色澤較油甘魚紅, 肉質有嚼勁 , 口感油滑幼細 , 魚味濃郁, 脂肪分佈平均。鯖魚刺身油脂豐潤, 肉質細膩, 火炙過的魚皮也特別好吃。彷彿魚刺身不太熟悉這款魚,師傅推介的刺身, 原來係日本好受歡迎的。 肉質爽甜, 比較有咬口, 是不錯的選擇。喜之次壽司😍其中一款我最喜愛的魚, 魚皮微微火炙, 滲出誘人的美味, 肉質結實而魚味香濃, 在口腔內散發著 甜美的味道, 齒頰留香。石垣鯛壽司😍油脂豐富肉質細膩, 味道鮮甜 完全沒有腥味, 初嚐這款鯛魚一試愛上。牛油帶子焗雜菇鮮甜的帶子配上香濃醬汁, 雜菇有金菇、冬菇、本菇, 菇類吸收了醬汁精華 ,沒有草青味。燒芝麻雞翼雞翼外皮金黃香脆, 內裏肉質保持嫩滑, 雞肉濕潤 juicy。活鰻魚串燒鰻魚肉質彈牙 新鮮甜美, 師傅功力不錯, 魚肉生熟程度剛剛好, 外皮香脆, 但內裏仍然保持魚肉嫩滑。豆腐串燒豆味香濃, 塗在 面層的醬汁香香甜甜。手打安格斯牛肉烏冬最後點了一個熱辣辣的烏冬, 安格斯牛肉 脂肪分佈平均, 肉質嫩滑牛肉味濃, 烏冬煙煙靭靭, 還有令人心動的流心蛋。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-31
966 瀏覽
有兩位朋友生日,由於遲咗搵食book枱,只係早幾日先上嚟open rice睇,見到呢間嵐山仲有得book位,仲要位於棉登徑,好味大概有保證(棉登徑既嘢食大多好味),果然不負所望!先上枱既係燒牛舌,有少少蔥花加啲檸汁中和返啲油膩感,味道唔錯,不過有少少韌。九點刺身盛好足料,件件刺身都厚切,而且好新鮮!鍾意食海膽既我表示好滿意! 份量一啲都唔少,用紫菜包住入口,鮮甜鮮甜!其他刺身無論色澤、口感、味道,都離不開個「鮮」字,油甘魚、鯛魚等等,肥美油香而不漏,真係物有所值!呢個海鮮手打烏冬,係比各位喺open rice既相片吸引既,見到奶白色既立魚湯就好心動,上菜時又香,食落又鮮味,而個烏冬一啲都唔馬虎,有好多料包括蜆、青口、唔同種類既菇、菜。再嚟一個海膽炒飯,食到非常多既配料,有帶子、菇、粟米、蛋、蔥花、紅蘿蔔,當然唔少得海膽,雖然比例唔算好多,但口感都好豐富,不過相比之下,我會覺得烏冬更好。追加銀雪魚,細細兩塊煎得啱啱好,啲醬汁非常惹味,濃得嚟又唔覺太咸,甜甜地,魚肉滑溜,仲有兩塊醃蘿蔔酸酸甜甜好好味!而牛油雜菌就比較常見既菜式,呢度加既帶子都唔細粒架!啖啖肉咁幾好咬口!食物以外,我哋叫咗幾杯梳打,雖然叫咗少冰但仍然1/3都係碎冰,呢方面改善下比較好,太多冰都無晒味了。價錢方面,以呢個地段,呢個價錢,食到咁多優質既刺身、海鮮,其實真係物超所值!環境方面,雖然未至於去到迫,而樓底亦唔矮,不過係好有日本居酒屋feel,因為不遠處有一枱飲到好high,好似日本啲上班族收工去飲酒咁嘈!但係可以坐足兩個鐘,真係幾唔錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-01
5742 瀏覽
近排工作十分勞累,下班想見下朋友仔,吃點好的,人生會快樂一點XD這天相約了好友到棉登徑的嵐山吃晚飯!餐廳環境不會很嘈吵,適合聚會聊天!前菜有牛蒡、明太子沙律、墨魚咀,都是爽口的,好開胃!點了3款刺身,都是比較特別的,分別是赤小鯛、池魚皇和伊佐木。刺身都非常之新鮮!赤小鯛肉質結實,帶點爽口的魚皮,魚肉口感爽口而彈牙,味道很清甜!池魚皇肉質緊實而爽口、微微的油香,味道清新又鮮甜!白裏透紅的伊佐木,肉質軟綿綿,魚的鮮味較濃,平時較少吃到,下次想再吃!之後再點了一些壽司,點了火炙平目魚魚邊壽司,因為經過火炙,令油脂非常豐富的平目魚魚邊變得更香!回味無窮!之後再點了一些燒物。燒活鰻結實又彈牙的鰻魚,燒得好香,魚皮還帶點焦脆!燒日本雞腎爽彈又有咬口的雞腎,加了七味粉,非常惹味!燒蕃薯仔煙韌軟糯的番薯仔,甜甜地一粒接一粒!牛肉生薑燒平時通常是吃豚肉的,原來牛肉一樣好吃,加了醬油、味醂,牛肉好嫩好腍!當然還有精粹生薑汁,味道非常好,是很送飯的菜色!海膽炒飯想吃點飯,所以點了一個海膽炒飯,粒粒分明的炒飯,炒得好香,加了海膽,令整個炒飯更加鮮味! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-19
3859 瀏覽
棉登徑氣氛好, 拍拖食野最岩, 今晚和女友又想食日本餐.嵐山日本料理, 從窗外看, 美得好像一幅畫.餐廳內座位不少, 日式格調.牆上有食物推介, 主要是時令日本入口海產.另有平版電腦餐牌,看彩頁更清晰.  侍應通知現正有八五折, 好抵食 !!女友點了 空運直送刺身, 池魚皇和金線, 厚薄均勻, 晶瑩通透.池魚皇, 肉質油潤軟腍, 配上餐廳特製汁, 更見鮮味.金線,  經火炙過,  魚的味道好濃郁, 好食.八爪魚刺身,  質地軟中帶點爽口, 吃落很清新.   擺設美觀.加点醬汁, 味道配搭很好. 壽司喜之次  魚鮮味濃, 質感綿滑, 每啖都有飯香魚油香,  加上醬汁同蔥花, 更提升鮮味.我們最喜歡的三款串燒日本黑豚肉, 安格斯牛肉, 燒羊架, 燒得火候剛好, 上檯香味十足. 師傅燒工不俗,  串燒配上黑椒, 芝麻, 香草.  表面有微微焦香, 而保持肉汁. 我愛燒羊架,   肉質鬆軟, 無羊膻味, 配有芥末醬, 檸檬,  女友愛串燒日本黑豚肉, 肥瘦均勻, 好味.手打海鮮石頭鍋烏冬 (魚湯底)  石頭鍋上枱勁熱, 海鮮重点有大蝦, 青口, 帆立貝, 蜆肉, 魚片, 冬菇, 蔥及紅蘿蔔等等, 很豐富. 蝦肉彈牙, 烏冬麵質軟滑,  香濃奶白色魚湯湯底, 魚湯味清甜, 做得出色.煎沖繩餃子,  一客五件, 皮薄餡多, 煎得香脆, 點些餃子醋,  有點酸酸的, 很好味.食物有質素,  享受豐富晚餐, 大家好飽了, 再步行棉登徑,  晚上景色也不錯. 繼續閱讀
(以上食評乃用戶個人意見 , 並不代表OpenRice之觀點。)