La Vista

營業中

休息中

想在鬧市當中，搵個好似去咗渡假嘅地方，東涌T Bay灣景薈絕對係個好選擇，距離東涌地鐵站C出口東薈城大概15分鐘的路程，就去到一個充滿渡假感覺嘅地方，當中La Vista這間墨西哥菜餐廳嘅景觀的確不錯，尤其係日落黃昏時嘅景觀就更加迷人，餐廳室內地方不算好大，但裝修得好精緻適合打卡，座位也舒適.食物方面叫咗慢煮手撕牛肉配軟玉米餅、墨式烤雞墨西哥卷、蘑菇素炸餡角配鮮青茄莎莎醬及甜品拼盤（朱古力蛋糕配雲呢拿雪糕、墨式肉桂條及焦糖布甸)，慢煮牛肉配玉米餅，牛肉偏辣惹味，配埋玉米餅包住食絕配，烤雞墨西哥卷，餡料充足，塞爆個墨西哥卷，啖啖肉，配埋牛油果醬、蕃茄莎莎醬、酸忌廉等無咁乾身，口感豐富，蘑菇素炸餡角，香脆可口，點埋個鮮青茄莎莎醬，減少油膩感，甜品拼盤，焦糖布甸蛋味重，朱古力蛋糕唔甜膩，肉桂條外脆內軟.服務方面全部服務員都好友善，又主動提供墨西哥帽俾我們打卡影相，整體來講不錯.