PizzaExpress (MOKO新世紀廣場) (裝修中)

約左朋友食飯 朋友放工只想快啲食野 所以我地直接入左呢間餐廳意式焗肉丸 肉丸好重牛味 蕃茄醬偏酸 口感軟爛 好易入口雙重芝士脆邊薄餅 因為係雙重芝士 所以芝士味好濃好正 超鍾意食芝士既人就好適合 薄餅邊偏脆同硬 就比較難咬 但薄餅厚度啱啱好 唔會令人覺得食麵粉飽肉醬扁意粉 啲扁意粉索晒肉醬汁 因為唔係焗 所以冇咁濃味 適合口味淡嘅人士 但食既時候要小心 好容易整污糟件衫蟹肉白酒汁扁意粉 蟹肉偏少 酒味唔重 但食落去好香口 加啲檸檬汁有另一個層次烤焗雞翼 雞翼正常味道 熟既程度岩岩好 一咬落去好多肉汁標出黎 醬汁對我個人黎講會比較偏酸