逸東軒

又再黎呢間飲茶，之前食唔方便影相，今次同屋企人食就可以影相出post。雖然係閒日，但都full house，所以記得訂位先好黎。閒日都 full 係有原因，因為價錢平過週末好多。閒日點心價位由$38起，週末就要$58起。飲茶緊係要食蝦餃，呢度係正宗一口既size，雖則做唔到完美既13摺，但整體都算好唔錯，皮薄，蝦都爽口。燒賣都係飲茶必點，呢度係帶子燒賣，上面有片帶子都幾滑，下面都係豬肉為主，做得有咬口，亦彈牙，唔錯～之後黎既係招牌叉燒腸，呢度叉燒咁出名，係真好味，即使係切碎左都咁好食，腸粉都好滑，值得一試。再黎試舞茸上素粉果，舞茸嗰味好濃好香，整體好爽口清新。美中不足係有芫荽，覺得嗰味太搶同舞茸唔夾。見薑蔥牛肉角未試過，今次就試下。個餡係牛肉球咁，外面包左餃子皮，再加多嗰蠔油茨，上面再放上薑葱絲。味道唔錯，牛肉味濃，亦肉質爽滑。之後再叫左蒜香鮮蝦春卷，黎到只係暖暖地，唔係即炸既。所以皮有啲硬，唔夠鬆脆，餡料就正正常常。最後係沙嗲金錢肚，炆到好冧，沒咩咬口。味道就普普通通，正常發揮。