更多
2018-07-24
2110 瀏覽
唔單止「Shine」喺第一次到訪,就連「太子集團中心」呢幢食廈亦喺第一次嚟,其實,都喺睇到朋友FB嘅放閃,一道「加拿大龍蝦意大利飯」好吸引,就相約表哥出嚟食餐晏。餐廳位處食廈6樓,一出電梯就喺整個餐廳環境,左邊喺酒吧區,右邊喺用餐區,裝修型格十足,尤其近門口嘅木方陣,輕易搶去眼球焦點,餐枱與餐枱之間排得又唔會過於擠迫。但講到最心水嘅位置,應該喺挨近窗邊一列卡位,除咗有啲街景睇吓,景觀較為開揚之外,卡位嘅挨背設計得特別高,被鄰枱嘅騷擾近乎零,而且,枱面面積亦較常見嘅長,真哋坐成6個人都得呀!睇睇餐牌有咩選擇,散點餐牌沙律、湯品、前菜小食、意大利麵、意大利飯、主菜(漢堡或肉類)及甜品等,以尖沙咀區而言,價位差不多。想划算啲叫套餐,星期六、日午市就有個早午餐套餐(Brunch)供應,不過,依家Brunch呢個詞都有啲濫用,原意Brunch喺指俾人一次過當早餐、午餐一齊食,故通常11:00am就會供應,但Shine成12:00pm先開門,不如簡單啲個套餐叫番午餐(Lunch)咪仲貼切。題外話講多咗,早午餐只有6款菜式,由$78-$148,包一杯基本餐飲。此外,飲品就印晌另兩組餐牌,晌門口睇見佢
早前先晌西營盤嘅「Fish & Chick」食過傳統嘅英式炸魚薯條,所以,興之所至想再回味,晌早午餐度揀咗呢款菜式。件炸魚份量好十足,墊底仲有大量幼身薯條,雖然唔知喺咩魚種,但肉質嫩滑富魚鮮味,粉漿既薄且甘脆,沾上自家製嘅他他醬,食味一流。不過,可能啲薯條被條炸魚壓住,最底嘅薯條散唔到熱氣,入口時已經腍晒,影響個口感。 加拿大龍蝦意大利飯 $188(散點菜式)
衝着呢道龍蝦意大利飯而嚟,喺選菜嘅穩膽,餐牌亦列佢為廚師推介。有半隻烤龍蝦,再配以海鮮湯底煮成嘅意大利飯,賣相好搶眼,而啲飯煮得恰到好處,飯粒濕潤,有濃郁嘅蝦鮮味,咬口卻唔會有生米嘅感覺,龍蝦亦都好爽口鮮甜,尤其小弟要咗個鉗位,大大啖蝦肉,爽呀,不愧為推介。
$188
27 瀏覽
0 讚好
0 留言
套餐嘅餐飲可以額外加錢升級,都知表哥鍾意飲咖啡,我就介紹吓佢試試玫瑰鮮奶咖啡。佢話杯咖啡真喺沖泡得唔錯,順滑而香醇,又有淡淡嘅玫瑰花香,更讚其拉花夠靚。雖然我就無試佢杯咖啡,但單睇賣相確喺不俗。 意大利泡沫咖啡 $45
個意大利飯喺散點,又無咩配飲品優惠,由於都打算叫一客甜品嚟「些牙」,所以,就不妨嗌杯意大利泡沫咖啡嚟襯甜品。我杯咖啡都唔差呀,奶泡打得夠綿密,咖啡醇厚細緻。 甜品方面,餐廳供應6款甜品,其實感覺上都有啲唔平,賣$58-$108,如果晌套餐上有啲加配優惠就好喇。不過,試過款「提拉米蘇」,你就會發覺又值回票價。 提拉米蘇 $78
佢嘅賣相已經唔喺「求其」擺件意大利芝士餅,加幾粒生果咁簡單,裝飾除咗龍珠果、藍莓、士多啤梨之外,仲以開心果仁碎及朱古力漿做成美感嘅線條,而且,件餅嘅外形亦唔喺做定即切件嘅貨色,如要做成圓柱體現況,都幾大機會喺即做貨色。
$78
23 瀏覽
0 讚好
0 留言
張貼