1174
60
35
港鐵尖沙咀/尖東站 H 出口, 步行約2分鐘; 尖沙咀H出口Isquare地面出口大堂, 步行約2分鐘; 餐廳位於漢口道及北京道交界(入口在漢口道Starbucks旁) 繼續閱讀
電話號碼
53288480
附加資料
最低消費:每位$300 , *繁忙時段為:18:00-20:30 限時兩小時(訂座時間起計)
營業時間
今日營業
12:00 - 22:30
星期一至日
12:00 - 22:30
公眾假期
12:00 - 22:30
公眾假期前夕
12:00 - 22:30
付款方式
Visa Master 現金 AE 銀聯
座位數目
70
其他資料
支持防疫 詳細介紹
網上訂座
Wi-Fi
酒精飲品
自帶酒水
切餅費
VIP房
電話訂座
賞訂座積分
加一服務費
有關獎賞計劃
食評 (1325)
上次黎呢幢大廈食野,係食麻辣火鍋,今次就完全唔一樣,我地食個高質靚西餐!唔好講咁多,我地即介紹下d野食先!係食物之前,今晚既餐飲,我自己就揀左杯 Sangria,佢已經預設左係 Sangria Red 黎既,入面有大量既水果粒,連同易入口既紅酒,係唔錯既餐酒黎呢一杯係 White Russian,主要係用上比較少見既咖啡酒 Kahlua 再加上 Vodka and cream 而成既,帶有香濃嘅咖啡味,但同時又有幾強勁既酒精味,岩曬鍾意咖啡既朋友啊主菜黎啦!第一個有呢個 芝士焗加拿大龍蝦意粉,完全俾佢嘅賣相吸引住,最吸引嘅當然係佢上面嗰隻開咗邊嘅加拿大龍蝦啦,上面嘅芝士焗得非常靚,成隻龍蝦都呈金黃色下面係茄汁意粉呀,佢嘅時間控制得好好,所以意粉嘅軟硬都非常適中,而且味道調教都唔錯,我雖然份量唔算太多,但係整體來講味道係幾好嘅真係要再俾大家睇吓呢隻加拿大龍蝦,都真係好高質㗎,睇吓上面啲蝦籽!同埋燒得啱啱好嘅芝士配埋一齊食,真係好正,好想食多幾隻啊!第二個主菜有佢,燒安格斯肉眼扒配野菌紅酒燒汁,第一眼除咗我見到牛肉之外,另外就係佢隻碟我覺得都幾靚,唔知點解覺得呢個擺盤設計好唔錯,所以都係一個加分位黎架呢個牛肉有10安士,我地叫左5成熟,所以仲見到佢有啲部份仍然仲係鮮紅色,不過呢個熟度就非常之好,因為牛肉比較嫩,食起嚟亦都比較舒服呢個牛肉都做得唔錯,煮得一d都唔韌,脂肪比例唔算太多,所以肉感都比較豐富,同埋餐廳調教嘅野菌紅酒燒汁,以及其他嘅配菜,例如切片嘅薯仔,蘆筍等等,都真係非常好味甜品方面,我哋叫咗兩個,呢一個係 特濃咖啡雪糕杯 Affogato,如果喺西餐廳來講,都唔係度度有呢個提供,所以當我同朋友見到呢個嗰陣,都不約而同地,決定一定要叫呢個非常香濃嘅咖啡,倒入朱古力及雲呢拿雪糕入面,嗰種冰火交融嘅感覺,正正就係呢道甜品嘅特別之處,真係好好食!第二個甜品係特別推介比大家嘅,因為真係做得非常高質,而且成個擺盤都非常之靚,佢係 請把我帶走!冇錯,呢個真係個甜品個名嚟㗎,佢其實係 Tiramisu,我估餐廳比呢個名佢,你想食完呢個甜品之後,就好似呢個甜品名咁樣,把我帶走啦!賣相好似疏乎厘咁,但係其實佢係一個Tiramisu,最頂層有香甜既士多啤梨,再配上少少金箔,可以食用得來,又增添美感,面頭再有香濃既朱古力粉,成個Tiramisu又有香濃嘅咖啡味,食起嚟真係好食得來,又好舒服 如果以性價比來講,呢個甜品真係幾高,重點係賣相夠晒靚,絕對可以覓得芳心當然,除咗嘢食好食,呢間餐廳嘅環境都好唔錯,好有feel架,重點係坐得夠舒服,所以就算一班朋友嚟慶祝,或者兩個人橕枱腳,都好舒服㗎! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-10
843 瀏覽
約了舊同事飯聚,只因要剝牙而延遲了日子,還好的是早訂位可以預留到窗口位置,雖然望出去只是街景,但好在較為靜,方便閒聊。原本以為舊老細會飲酒,但他卻因要駕車而自律,是晚不飲了。我們各自要了飲品(例如我要的Mr. Hero,但來到的都不像在網上所見的樣子,所以不提也罷),然後就要了蕃茄紅酒燴藍青口 ($188)及甜蜜蜜雞翼 ($168)等兩個小食,及各自要了北海道帶子明太子意粉 ($228)、脆炸德國鹹豬手配蜜糖芥末醬 ($288)及法式寶雲酥焗羊架配薄荷醬 ($308)等主食。蕃茄紅酒燴藍青口內有大粒的乾蔥,蕃茄紅酒汁都幾惹味,但他們指藍青口比較小,紅酒味不夠。甜蜜蜜雞翼焗得剛好,肉質滑而不太乾,表面的蜜糖味道頗為討好。主食方面,我要的北海道帶子明太子意粉,帶子慢火煎得剛熟,軟綿綿的帶點半透明,意粉內有些雜菌及明太子,忌廉汁味道好而不覺膩。至於脆炸德國鹹豬手配蜜糖芥末醬,據舊老細講就嫌炸得太乾了,皮也不脆,味道一般。法式寶雲酥焗羊架配薄荷醬也不見有麵包糠包著的法式寶雲酥,只像普通的焗羊架般,舊同事覺得味道也只是一般。餐廳是我選的,但見他們的反應,我倒有點愜意。 繼續閱讀
(以上食評乃用戶個人意見 , 並不代表OpenRice之觀點。)
博客兄弟 YFL 早前生日,小弟因為生病錯過了聚會,那就來個補祝生日飯。說真,現在的社會大局,也沒有特別心情,和友人慶生是我比較有歡顔放鬆的一刻。壽星非常好人,就近我辦公地點,那我就 book 了這間叫「Shine」的所謂「文青酒吧餐廳」,網上好評甚多。裝修簡約,沒有很亮麗,不會如店名很 Shine,有錯配麼?!木系裝潢加吧枱,服務員很有 local 小店味,是貼地有禮貌那種,沒像大家討厭的那位「X 太」或「X 婆」般高傲。整體食物味道我會歸類位太濃味,個人覺得部分菜式價錢在這小店也有些 over。這裡沒有 set menu,全部菜式散叫。假設每人點個湯、頭盤、主菜、甜品,相信人均要過千 (除了熱滾水,一般冷水要另外收費)。你有你定位,令食客滿意就 okay;可是以此價位,尖沙咀還有太多西餐選擇了吧?!那天我剛做完公司中午大 show,3pm 才吃午餐,所以主要都是壽星吃,我淺嚐。小吃「西班牙蒜味蝦多士」$168點菜時我沒為意 (因為不是我挑的),以為是「鳳城蝦多士」那些 party 類小食,原來是 tapas, 另放三塊烘麵包。吃得出用料新鮮,蝦的調味卻很鹹,可以收番細少少,不好浪費靚食材。「北海道帶子海膽明太子三文魚子意粉」$208非常長的菜名,不如加埋「忌廉」兩個子,材料就齊哂報到埋周了。。。集齊「三子」,一堆好吃的食材夾硬放在一起,是否一定無敵?要看你怎麼做。有時強鬥強,正正反而得個負。三文魚子和明太子都是又鹹、味道又霸道的食材,已經互搶味,我也分不清鮮味是從哪裏來。帶子其實幾新鮮,煎到中間半熟,可惜已經吃不到它的本味,更莫論是那撮海膽,全被鹹的忌廉汁淹沒。。。建議可以不用落明太子,太搶了;帶子與海膽可以二選一,若沒放帶子,海膽可以增加份量;忌廉再淡番啲,就 good fit 哂。 「醬烤春雞」$278法國小春雞原隻烤焗,上放紫椰菜。公道講,肉仍是滑,胸部也不鞋,係焗燶咗啲,邊位黑哂,火候控制可以做得更好。吃得出很重麵豉味,也是鹹到天邊的盡頭。。。是否想牽引食客叫飲品?最後來個甜品「鮮果青檸雪芭」$68,代替生日蛋糕。之前訂位時有寫明是慶祝生日,侍應自動地在碟上寫上「Happy Birthday」,這個位有加分全晚沒有開酒或點 cocktail,沒有很 Shine 的心情喝。「Shine」 地址:尖沙咀北京道12A號太子集團中心6樓 電話:5328 8480 營業時間:星期一至日 12:00-16:30,18:00-22:30 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-23
11492 瀏覽
曾經有人說 金魚只有7秒記憶但這只是個美麗的傳說並不是真相但這美麗錯誤下也衍生著不少錯覺我也曾經想象自己可跟金魚般一樣可以擁有7秒的記憶也許7秒 每7秒會自己人生重來一次1.2.3.4.5.6.7..... 1.2.3.4.5.6.7.....那些情感會否濛糊些那些過去會否消失在腦海中嶄新的人生開始了沒有過去的掣肘讓自己好好活一次吧這夜約了友人C 為答謝那天的出手相助如果不是他 我真的 真的不知我可以怎樣選擇西餐 希望可以慢慢談談心C 說 很好斷得快 不然怎能找到位對的人我說 也是 不然怎知道世界那樣大?這夜點了個北海道帶子配三文魚籽沙律,Angus burger和香辣蜆肉闊條麵。北海道帶子配三文魚籽沙律白晢的色澤口感黏稠味道鮮甜,三文魚籽飽滿漲卜卜,鹹鮮滿溢口中,沙律菜新鮮爽脆。Angus burger夾雜不同的配料,份量大,肉質略嫌不夠肉汁,炸洋蔥圈金黃香口,意想不到大啡菇竟最深刻,汁液四溢在口中。薯條香脆不油膩,加些鹽調味便夠。香辣蜆肉闊條麵蜆肉飽滿大粒沒有沙石,味道鮮甜,辣味不會太嗆鼻,闊條麵每條也沾上醬汁香。一晚過去,這夜說了很多很多。願在黑暗中找到光明引我到正確的道路上 繼續閱讀
(以上食評乃用戶個人意見 , 並不代表OpenRice之觀點。)
今日同朋友相約到尖沙嘴re-visit 年幾兩年前既Shine店內環境冇變,都係行classy 現代風格Bar檯同卡位兩邊既裝修風格都唔同,採用暖色系既卡位幾好坐檯同檯之間既空間比較闊落,方便大家同fd聚既時候暢所欲言我地今晚叫左1 個appetizer, 2個main同埋2杯飲品落單冇耐就有得食啦,呢度上菜上得好快手:)Appetizer我地叫左香煎半熟帶子配黑魚子醬($208)帶子大大粒size大到好似macaron咁,厚度差唔多有成5cm,可以啱啱好一大啖塞落口帶子煎得啱啱好,外層有少少焦,入面就好juicy同埋有好似sashimi既freshness記得記得要配埋青檸汁咁品嚐,成個層次感提高左唔少,令人過齒難忘-牛油香煎虎蝦意瓜義大利飯($208)呢個義大利飯係我今晚既最愛risotto 煲得啱啱好,軟硬度適中,非常有嚼口醬汁略稀但唔大影響,都幾creamy下本身一上菜淨係見到risotto 上淨係得一隻大蝦嚇左嚇,心唸”唔通每人得半隻?!“好彩佢有係risotto度混入好多隻用白汁煮起既蝦,蝦肉十分爽口彈牙,有驚喜!個人除左好喜愛d蝦之外,都十分喜歡佢d意瓜,熱辣辣既切粒意瓜做得十分juicy好正!-青醬蝴蝶粉配香煎雞胸($198)雞胸肉質粉嫰,入口軟腍至於蝴蝶粉個人認為係有少少undercooked既(本身偏向喜歡腍身d既食物)同埋佢隻青醬汁同我認知中既pesto有少少唔通,呢隻比較重洋蔥味同偏酸飲品方面呢因為返工已經番得太攰所以都費事飲酒,叫左兩杯smootie and yogurt 算lu我地叫既Banana Strawberry 同埋Mix Berry smoothie and yogurt 都好濃果香味,試得出佢落左大量既真。生果落去打出黎既同埋呢兩杯smoothie佢都落得多奶,質感比較厚重p.s. 兩杯smoothie都做得比較甜,如果平時唔食得太甜既朋友建議大家可以叫番少/走甜 繼續閱讀
(以上食評乃用戶個人意見 , 並不代表OpenRice之觀點。)