洋食商店

營業中

休息中

今日跟食評搵食，入到去感覺比想像中好，親身感受到店主非常用心嘅佈置。打卡位極多，又有野玩，係「街霸」呀，免費玩。邊食邊聽到童年時打機嘅聲，超有樂趣！我地叫左個招牌炊飯二人餐，可以話打卡之餘野食都好好味。炊飯要左紐西蘭草飼肉眼，好淋，好重牛味，有少少飯焦同好香牛油味。辣味鮮蜆意粉嘅蜆一上檯已有鮮味，仲好厚肉，意粉係比平時食嘅爽。松露芝士薯條炸得好香，惹味，點松露醬勁夾，仲有比較特別嘅炙燒吞拿魚配三文魚子都好食。特色飲品加$28，楊桃檸檬話梅味道酸酸地幾特別，呢個餐都幾抵。