莆田 (利舞臺廣場)

營業中

休息中

黎呢度買開野，原本只係叫普通晚飯，見有大閘蟹，我地又食番隻。前菜個咸菜好好食，係甜甜地嘅咸菜。鐵鍋包菜飯同蒜香荷蘭豆，係普通菜式但味道特別香，尤其是個飯，真係成個鐵鍋上，熱辣辣，岩哂天氣涼食。味道似臘味飯但飯粒係軟嘅。豬蹄凍大小適中，啫喱狀豬蹄有香甜肉味；芋香鴨非常脆皮，芋蓉好香滑，呢道菜處理得相當唔錯。我地叫左大閘蟹乸貪佢平少少，雖然季尾，但黎到d膏都算多。服務幾好，會留意食完飯先上大閘蟹。用具齊全，食完會有薑茶。舒適嘅一餐飯。