The Grill Room (The L. Square) (已搬遷) 新店位置

黎到銅鑼灣The Grill Room食dinner，叫左一個牛扒同埋一個risotto同朋友share。比較特別既係啲菜式除左傳統西餐嘢之外，仲有啲特色啲fusion啲既🤤   1⃣️香草燒12安士牛柳配黑松露薯蓉及烤蔬菜（$368） 牛柳上檯既時候已經係切開左一半，顏色係好靚既粉紅色🥰望到已經食慾大增。牛柳好厚！厚得黎成塊食落都仲係juicy既🤤唔會話出面乾爭爭，得入面好食，而係成舊肉都係咁嫩乾好食！外面有少少麵包糠，脆脆地，仲有香草碎，食落好香好好食。  2⃣️慢煮鮑魚配日式醬油意大利飯（$228） 有啲日式風味既一個risotto☺️鮑魚有三隻，有啲磯煮鮑魚既味，成個risotto食落有少少甜甜既醬油香。  3⃣️黑松露薯條（$68） 薯條應該係即炸既，夠熱夠脆，見到面頭仲有啲黑松露碎，上檯已經聞到陣松露香🤤  4⃣️朱古力布朗尼配法式馬卡龍（$348） Brownie 幾大件，有兩塊馬卡龍同埋一球雲尼拿雪糕。個brownie中間係有啲果仁係入面，增加口感。