築地日本料理 (金百利廣場)

營業中

休息中

銅鑼灣金百利廣場嘅築地日本料理，價錢夠哂相宜，銅鑼灣區嚟講，可以話抵食添。冰梅番茄漬 $28冰凍嘅去皮番茄，加上日本梅子、醋同糖淹漬，入口涼浸浸，酸酸甜甜。牛油果軟殼蟹卷 $48一客四件嘅牛油果軟殼蟹卷，軟殼蟹香脆可口。芝士玉子燒 $58出面食依個玉子燒，好多時都係切埋俾你，得果5-6件。築地就原板玉子燒上，淨係依度已經覺得好好。再加埋裡面大大份嘅芝士，夠哂邪惡嘅美食。板燒香蒜牛舌 $50起初只係諗住食三、五塊牛舌過下口癮，估唔到牛舌嘅份量都幾多下，而且唔係薄切果種添。配埋喺鐵板上燒到香甜嘅洋蔥一齊食，好正。七味燒鮭魚旗 $38用七味燒做調味嚟燒香燒熟嘅三文魚旗。燒得外脆肉嫩，再加上旗位嘅油脂香，令燒三文魚旗更加好味。魷魚卷雞肉 $88魷魚內塞入咗雞肉卷，雞肉仲卷住青瓜同紅蘿蔔。魷魚肉厚又鮮味，再加埋佢甜甜辣辣嘅汁，又好食，又食到好飽。築地甜品拼盤 $48有好幾款甜品都想食，所以叫咗築地甜品拼盤。包括咗Terimisu、柚子蛋糕、北海道牛乳奶凍同埋綠茶雪糕。可以話係大滿足呀。