540
32
16
餐廳: 築地日本料理
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵銅鑼灣站 E 出口 繼續閱讀
電話號碼
25043338
開飯介紹
居酒屋格調日本餐廳,有海鮮缸每日供應新鮮海鮮,另有特色全素「素心司」套餐供應,菜式配搭富心思。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 AE 銀聯
座位數目
54
其他資料
Wi-Fi
酒精飲品
自帶酒水 詳細介紹
電話訂座
加一服務費
當面支付
食評 (615)
等級4 2020-11-11
510 瀏覽
今日嚟到銅鑼灣附近食晏見到呢間日本餐廳 突然之間有啲想食刺身於是就入去豪華少少🍣🤤食過刺身晏呢間日本餐廳特別嘅就係無論係抵食平價小小嘅午餐抑或係貴價啲嘅高質素刺身都有供應 啱晒想食唔同野嘅朋友仔 唔使因為價位問題左諗右諗😬想食好啲有得想食平啲都得🤔極上築地魚生丼 $198🍱入面分別有三文魚三文魚子刺身蝦帶子同埋最鍾意食嘅海膽海膽海膽海膽海膽 跟餐仲有麵豉湯配送 刺身幾新鮮 份量都大㗎 如果係普通嘅三文魚刺身飯價錢就會比較大眾少少整體來講全部嘅刺身都幾鮮味 海膽都有成半版㗎 我諗大部份嘅價錢都係去咗海膽嘅成本度 三文魚同帶子都切得幾厚身 鋪滿晒成個飯嘅刺身絕對夠送飯!!☺️另外我哋都分別叫咗啲刺身食主要係甜蝦三文魚三文魚子等等刺身質素好鮮甜 刺身飯上面仲有啲飯素 岩哂覺得就咁食白飯好悶嘅朋友仔啦☺️如果大家嫌呢個價錢貴其實都有一啲平價小小嘅午餐㗎大概六$70🍛仲要唔使+1 見到隔離枱其實嘅份量都好大絕對夠飽 估唔到銅鑼灣偏少少嘅樓上地方原來都有咁多好嘢食大家可以唔使成日食路邊嘅貴價連鎖餐廳啦👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-18
2201 瀏覽
本身約左朋友晚聚暢談,點知佢突然有事要早D走,唯有輕食一下遲D再閒談😣睇MENU其實呢到都幾多種類選擇,好多野都好想食,不過趕時間唯有遲D先再叫得豐富D食啦😀今次淨係叫左廣島蠔釜飯($78)、牛仔骨石鍋飯($98)味噌湯:味道鹹淡度適中,先飲返碗暖下個胃😄牛仔骨石鍋飯:朋友最中意石鍋飯類別,因為實係熱辣辣上夠好味😋裡面除左主角牛仔骨之外,配料有木耳絲、泡菜、粟米,再加入另上碟嘅辣椒醬,可以自己調較辣度,撈勻黎食之後更加好食,每一啖都食到D配料😋牛仔骨肉嫩又有D肉汁,唔會靱👍🏻廣島蠔釜飯:釜飯即係好似香港嘅煲仔飯,佢係用細火同配合埋真空原理黎煮成。職員上菜時連埋計時器一齊上,倒數期間喺個釜飯下面仲用細火加熱緊。一夠鐘打開個蓋已經聞到好香,廣島蠔夠肥美,而D飯吸收晒高湯同蠔嘅鮮味😍最正係近鍋邊位置有D飯焦,D焦香味好正🤤加一後埋單先$194,食物水準高,以呢個價錢都算相當抵食,等遲D唔駛再咁趕時間,可以叫多D小食SHARE慢慢邊傾計邊嘆😁題外話:我地今次冇叫到飲品,職員都好主動過黎幫我地加茶,服務細心值得一讚👍🏻見佢仲有做緊其他優惠👍🏻補MENU 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-11
1493 瀏覽
每天一大早同事們已開始諗中午吃甚麼,可能因為在銅鑼灣上班的關係,選擇太多,大家總是三心兩意,總會希望發掘一些又抵又好食的餐廳,今天和W行去金百利睇下有乜好食,最後揀左築地日本料理。今天和W每人叫了一客茶碗蒸,另外一個炒飯和一碗拉麵一起share面豉湯(跟餐)~有菇粒,豆腐,海帶和葱花,面豉味不算太咸,剛剛好。海鮮茶碗蒸$42~少少一碗茶碗蒸裏配料可不少,有 蟹柳,蜆仔,帶子,蝦,冬菇和豬肉,全部海鮮也非常鮮甜,蛋亦蒸得非常滑嫩,最重要很夠熱,所以整體配合得非常好,很美味。石燒鰻魚炒飯$95~鰻魚粒份量頗多,還有蛋,粟米和葱粒,鰻魚味很濃郁,飯粒不算很乾身, 帶少許濕潤,味道調得很好,份量亦足夠2人食用,這個炒飯我們都讚不絕口。黑蒜油豬軟骨拉麵$78~每次食拉麵每總會首先喝一口湯底先,黑蒜味相當濃郁,亦有豬骨的香甜味。豬軟骨炆得好腍好入味,頗不錯呢! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-04
1639 瀏覽
為左買女朋友嘅生日禮物荷包出血太多😂想食日本野,但Budget 又吾多呢個時候,「築地日本料理」真係我嘅救星😂.🥢三文魚三味 $38美味指數:🌕🌕🌕🌕一次過食哂三款口味有經典三文魚,火炙芝士同蟹膏小弟覺得火炙芝士最出色三文魚嘅柔嫩鮮甜加上濃濃嘅半溶芝士,口感不錯.🥢牛油果軟殼蟹卷 $48美味指數:🌕🌕🌕🌕黃金香脆嘅軟殼蟹,以醋飯卷好上層鋪左三片牛油果,香脆又綿密.🥢加州卷 $32美味指數:🌕🌕🌕🌕加州卷有蟹柳,牛油果同青瓜加上粒粒蟹籽包圍住,口感豐富.🥢鹽燒雞中翼 $25美味指數:🌕🌕🌕🌕🌗呢款串燒雞翼,值得一食👍雞翼燒至外皮香脆,吾會太好柴灑上海鹽調味,大讚😈.🥢咖啡豬扒飯 $68美味指數:🌕🌕🌕🌕豬扒飯size夠大碗鋪滿大量日式咖哩,咖哩味濃,仲有軟腍嘅薯仔厚切豬扒金黃香脆撈埋流心蛋一齊食,大滿足😋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-03
1049 瀏覽
平日行金百利都唔知原來上層有好多食肆,係openrice搵到呢間日本野好似幾多好評,所以就走上黎試下,點知一試之後好滿意,結果好快返黎再食第二次,兩次寫埋一齊。第一次黎果陣係接近晚市時段,油甘魚刺身,勁厚切,比起出面其他食店,佢真係相對地大方,咁厚既魚生好有口感,油甘魚好鮮甜,肉質非常好,超級滿意呀!芝士玉子燒我亦非常滿意!首先佢一上碟個賣相好靚,熱辣辣新鮮做起,一切開,嘩!啲芝士爭住標曬出黎!一放入口,蛋同埋芝士味,互相係口腔入面迴旋遊走,再加埋木魚碎同埋蛋黃醬,同嫩滑既蛋,真係好完美!青龍卷 $50 有四件,幾抵食既,但係無乜特別,佢面頭有海膽,獨立食海膽既話,海膽幾鮮甜,但真心唔建議加埋啲飯一齊食,因為海膽會完全無左海膽既味。火炙芝士三文魚腩,每件 $14,價格靚仔,賣相吸引,味道正,半熟三文魚油脂既香加埋芝士,只能講佢地真係好完美既配搭。吞拿魚蓉壽司正常發揮無驚喜。第二次黎食既係下午茶時段,勁抵食,叫左個牛肉鍋烏冬,好少食到啲烏冬係咁入味咖,食好慢,好唔捨得太快食完,佢無論係牛肉定烏冬都入味。魚生飯份量比較少,不過下午茶正常既,呢個魚生飯反而無乜驚喜,正正常常咁。平日去居酒屋食呢個梅漬蕃茄都好貴,但係呢度追加蕃茄既話,只係 $20 隻,我第一次食,原來梅同蕃茄可以咁夾,冰冰凍,清新,蕃茄味同梅味好平衡。有好多野食我都好想食,下次再黎試! 繼續閱讀
(以上食評乃用戶個人意見 , 並不代表OpenRice之觀點。)