Top Blade Steak Lab (希慎道)

營業中

休息中

有時候好想食西餐，但係可能一塊好少少嘅牛扒都要二百幾三百先落到樓。銅鑼灣啲餐廳都唔會平得去邊，但係以餐廳嘅價錢嚟講，我覺得呢間扒房都冇得輸。如果你問我最正係啲咩，冇錯就一定係薯條任食。‣ Herbly Flat Iron Steak $185其實牛扒嘅質素就唔會話真係好好，如果想食好啲嘅話都可以加錢，但係我覺得肉質接受到，而且佢都盡可能整香啲。稍微有啲韌，但係整體嚟講我覺得都好唔錯。佢隔離仲有蒜頭俾你搭配住一齊食，我覺得呢個價錢加埋薯條任食都超晒班㗎啦。‣ All You Can Eat Fries $0重要嘅嘢真係要講三次，佢嗰啲薯條唔係粗薯，因為我個人都係偏好一啲比較脆卜卜嘅薯條，反而佢細條幼身容易炸得香脆，比較適合我。雖然話就話任食，但係其實食完個牛扒，食兩盤薯條你都投降㗎啦。