Milu Thai มิลู่ไทย (耀華街)

營業中

休息中

朋友見到百樂中心Milu Thai มิลู่ไทย嘅火焰雞好吸引，又近住地鐵站所以即刻訂位嚟試吓。餐廳以深木色為主色，牆上有大型彩色壁畫營造氣氛。店內地方寬敞，難得有六人卡位，最適合人多聚會。泰式奶茶同椰青係食泰菜必選嘅飲品。奶茶夠香、椰青清甜。火焰燒雞服務員好體貼等我哋準備好相機先點火。打完卡再送返廚房切件先重新上枱，唔洗擔心會整污糟對手。燒雞肉多，雞皮被火燒過特別香口。青檸酸辣明爐烏頭烏頭魚非常熱，酸酸辣辣好開胃。吸滿魚湯嘅粉絲絕對係當中嘅精綷。泰式蛋包炒金邊粉金邊粉炒得乾身香口，加埋碟邊嘅花生碎同辣椒乾特別好味。三隻大炸蝦放喺包住金邊粉嘅雞蛋網上，又靚又好昧。芒果糯米飯絕對係驚喜。非常好味，芒果香甜，椰香糯米飯又熱又煙韌。椰漿帶少少鹹味平衡返整體甜度。芝麻更是畫龍點精。