神戶屋日韓放題

營業中

休息中

今日約咗2個朋友一齊食呢間，因為知道今日星期五，所以我就用咗open rich 訂位功能，訂定晚上8點既位。我就7點50分到咗，諗住早少少上去攞定個位啦，因為另外兩個朋友都未到，一上到去勁多人，排到喺𨋢口位。咁我幾經辛苦先行到去reception 度，去到諗住都8點就同佢講咩booking, 點知都要等，等到朋友都到齊都未入得，我足足等咗30分鐘😅😅我見仲有好多訂咗位既都仲要等，我就覺得呢個安排比較麻麻。不過都入到去就點咗刺身等等，刺身都算新鮮好食既，其他嘢食都比較一般，因為遲咗入去又要10點閂門嘅關係，我同朋友都食得比較趕急。