下晝同朋友經過，食完午餐之後想搵個地方食甜品。見到呢間甜品2:00就開門，所以就去咗呢度試吓。 佢嘅榴槤同埋芒果河粉係人氣之選，食過好多唔同嘅甜品舖好多芒果都係酸嘅，一係就冇乜芒果味。但係今次嚟到呢度食呢個芒果河粉，芒果係非常之清甜，再加上河粉造型嘅椰子蒟蒻啫喱，又彈牙又爽口，真係好好食，仲有煙靭嘅西米，口感真係一流，份量比較大碗，所以可以兩個人share。 我哋仲嗌咗碗，榴槤飄香，榴槤味非常之濃，仲有一舊榴槤嘅果肉，鍾意食榴槤嘅一定要試吓。

記住一定要book咗先至好去，我平日去都已經好滿，因為佢嘅座位都唔算好多，大概有七至八枱左右，又有露天嘅範圍，非常之舒服。 店員嘅服務態度都非常之好，嘢食就更加唔使講。 我同朋友叫咗: 黑松露意大利飯(HKD$108)松露味強得嚟唔覺得太濃，意大利飯都幾煙靭。 蒜香辣椒蜆肉意粉(HKD$98)蜆肉鮮得嚟又帶有辣味，唔係好濃烈嘅辣，我覺得唔食得辣嘅朋友都可以試一次，因為都算易入口嘅。 朱古力棉花糖奶蓋牛角包窩夫(HKD$68)呢個真係要試，聽落好似有好幾樣嘢食，但係食落去嘅口感好特別，有牛角包嘅煙韌，窩夫嘅脆，配合埋棉花糖嘅黏力，真係連唔唔係好鍾意食甜品嘅朋友，都覺得非常好食。雖然好肥，但係一次半次嘢有乜所謂啊。 每人埋單只需要HKD$240左右，因為我哋仲每人叫咗兩杯嘢飲。

特盛薑蔥排骨飯(HKD$75) (製作需時,記得早啲叫！)
份量夠大，好抵食，一個男仕份量，女仕就可以叫一個主食share，然後叫多啲小食配搭。
葱油香口而唔膩，飯粒有咬口，加上少少秘製醬汁，真係好出名，一定要叫！

邪惡蛋之戀 “芋泥肉鬆脆皮蛋餅” (HKD$39)
台灣蛋餅最重要係個皮，佢同我期待嘅煙韌口感有啲唔同，出忽意料外皮煎得香碎，加埋芋泥成舊放落口，係有幾個層次嘅口感，應該一試。

黑糖鮮奶紅茶 (HKD$28) 加芝士奶蓋 (另加$7.2)
叫咗杯黑糖鮮奶紅茶偷偷加咗奶蓋，估唔到，太出色！奶香濃郁，差唔多半杯奶蓋，好足料，記得攪勻先好飲。

蘇子青瓜手撕雞 (HKD$25) 單份
雞同青瓜既比例都算多，味道比較濃，如果食唔到咁濃嘅朋友，建議叫個飯配會更好，唔好當小食。

牛肉汁煮風琴豆腐2串(HKD$20)
牛肉汁非常惹味，配搭風琴豆腐，豆腐索晒啲牛肉汁，真係睇見都好Juicy 😋😋

台北市小食拼盤(HKD$39)（台灣腸，花枝丸，鹽酥難）
好想食到台灣唔同既小食，但又驚一份太多，呢個拼盤就啱晒，每樣都有少少，真係可以滿足晒大家既口味。

黑糖珍珠鮮奶 大杯(HKD$40)
我好少喺餐廳叫珍奶，因為好怕啲珍珠好硬又或者好淋，但今次我因為見到其他野食既水準，所以放膽叫一次，珍珠好煙韌非常有口感，加上黑糖既甜同重奶味既鮮奶，非常好飲。

總之，抵食！食到好飽，好滿足，一個人都係百零蚊，工業區晚市通常較平淡，我哋去到都差唔多滿座。有時諗唔到食咩，都可以不妨一試呢間小店，可能有驚喜呢😉提提大家係2點半後先有9折呀！(請留意店內優惠為準)

深水埗甜品舖都比較多，但係呢一間懷舊裝修，而又有新式嘅糖水。 因為佢都算係旺區，所以人流都比較多，座位方面同香港嘅甜品舖一樣坐得比較迫，但都尚算有足夠嘅空間。 我叫咗個包心芋圓西米露，再加咗個黑糖水晶，包心芋圓入面有污泥餡，最鍾意食芋圓嘅煙韌度，佢呢度唔算好硬而又帶有小小嘅煙韌，再加上黑糖水晶嘅彈牙口感，可以算得上係一絕嘅甜品。 我朋友就叫咗個紫玉園愛玉，用料非常之足，愛玉配搭埋雪糕嘅口感，真係又凍又爽。 當然都有中式嘅糖水，因為有個朋友叫咗個熱嘅芝麻糊，芝麻落足料。

深水埗地道打邊爐，座位寬躺，如果打邊爐做每一枱都有一個set 好既爐。 三個人在一個黃金二人餐加兩樣嘢食，都食得好飽。 黃金二人套餐(HKD$488)包括: 清甜椰子雞鍋 : 陣陣嘅椰香味，再加上小小嘅藥材，仲有半隻走地鮮雞放落去打邊爐。 極級霜降牛頸脊，牛肉好鮮嫩，仲有少少牛蘇味，肉質仲好彈牙，一啲都唔韌。 手打蝦滑拼墨魚滑，蝦同墨魚滑都好新鮮，煮內咗都唔覺得硬，仲好爽口。 爽滑魚皮餃，每隻魚皮餃嘅皮都唔算好厚，仲好Q彈，真係可以當乒乓波咁打😂😂 雜菜盤同日本稻庭烏冬，烏冬粗幼度適中好滑，一啜就可以成條啜入口。 我仲加咗個芝士腸同埋響鈴，肯定炸到金黃色，好香脆。

蘇媽蘇媽唔單止門面靚，入邊嘅裝修仲好有特色。 一字骨肉骨茶要先飲咗個肉骨茶先，之後再食入邊嘅餸菜，記得要調校自己喜歡嘅醬油，之後再叫店員添返熱辣辣嘅肉骨茶，一字骨都算多嘅大概有四條，仲有豆腐卜，同埋金菇，肉骨茶嘅味道非常之濃，好飲。 招牌砂煲老鼠粉，店員嚟到都提我地要趁熱攪拌，撈勻咗之後食，入邊嘅魚仔好鹹香，仲有老鼠粉好彈牙，撈埋一齊嘅口感係彈牙仲有魚仔嘅鮮味。 馬來黑叉燒，叉燒半肥瘦，加上蜜糖嘅味道，真係難以抗拒，如果好怕肥肉嘅人可以選擇淨係食瘦嗰部份，不過我真係抗拒唔到，個腩肉係非常之油分豐富。 馬來西亞串燒(6串)，串燒加埋沙嗲醬，簡直係好有馬來西亞嘅風味。 甜品就點叫一個海南鴛鴦燒麵包，呢個麵包入邊有一塊厚厚嘅凍牛油，再配合埋熱辣辣烘咗嘅麵包，加上咖央醬，可以話係內冷外熱，仲要脆卜卜，真係減肥都要放埋一邊先。

經過見到門面都唔錯，所以同朋友入咗去食晚飯。 我哋兩個人，叫咗總共四樣嘢食，仲有兩杯嘢飲，加埋甜品，都係大約500幾左右。 首先叫咗個泰式小食拼盤，入邊有四款唔同嘅小食，分別有香脆嘅泰式春卷，四件蝦餅同埋魚餅，仲有兩吋串燒，小食嚟講佢好足夠，一個拼盤有咁多款唔同嘅小食。 再叫咗一個生蝦刺身，啲生蝦隻隻都啖啖肉好厚，我仲食咗少少佢放底嘅椰菜絲，啲蝦仲好新鮮。 仲有馬拉盞炒魷魚通菜同埋鮮蝦金邊粉，魷魚非常之鮮甜仲好爽口，而通菜係非常之嫩，唔會覺得佢好老。鮮蝦金邊粉，每隻蝦都非常之彈牙爽口，金邊粉仲有好香嘅茄汁味，擺盤當然都非常之靚啦。 我哋仲叫咗兩杯嘢飲，一杯係椰汁三色冰，另一杯係椰汁沙冰，我超級鍾意飲三色冰，因為佢嗰啲粒粒又煙韌得嚟又爽口。 最後糕點可以自己任揀，$5一件，我揀咗椰汁粟米糕同埋椰汁珍多糕，粟米糕個口感比較特別，因為粟米嘅料比較多，所以佢嘅口感好多粟米衣，反而珍多糕比我想像中唔同，好有椰香味同埋煙靭。

估唔到調景嶺有問咁靚既裝修既餐廳，每次行過都比佢門面吸引到。 一去到待應問我哋試唔試吓<我不是茅台>($118)，原來係一個湯，係豬肺湯，賣相都幾得意，一支大約有4碗左右，啲料都好足。 我再加咗幾個餸同小食，頭先叫咗兩個小食，呢個叫做<酸微微開胃燻蹄>($68)，果汁真係好好食，唔會太酸，又非常之容易入口。另一個係<脆皮嫩滑鴨紅>($88)份量非常之充足，不過我就覺得個脆皮比較厚，但係鴨紅係非常之好食，我呢個係第一次食過最得意嘅小食。 有一個1/4既<黑松露玻璃燒鵝> ($228) 因為本人好鍾意食黑松露，成隻燒鵝都好有黑松露味，唔會比啲燒鵝汁蓋過咗，好香脆，又唔係太油，唔錯。 <鹹魚茸煎肉餅>($98)肉餅嘅份量都夠四個人食嘅，size可以大概兩至三啖食完，又有鹹魚嘅香味，再加上煎完嘅香脆，肉餅嘅汁被香脆鎖住，真係非常之好食。

太子小菜既餐廳真係好多，不過有米芝蓮級既餐廳，不得不去呢一間。 呢間餐廳一定要試佢哋既揚名國際燒肉，皮脆肉軟，再加上自家製既芥末醬，真係好好食，有分大同細份量，細份量都夠2至3個人食既，最緊要係肥得嚟吱嘅太膩。 仲有叫咗個黃金鮮魷，鹹蛋黃十足，份量好足夠，佢炸得非常鬆脆。 再加咗個招牌沙拉骨，佢嘅沙律醬都非常之豐富，沙律醬唔會遮蓋左個骨嘅味道。 仲叫咗一個海皇撈粉絲煲，粉絲煲嘅粉絲非常充足，個賣相仲好豐富，唔似得其他餐廳嘅粉絲煲，只係得個鹹味，佢仲有唔同嘅海鮮，鮮味十足。 最後梗係要一個蔬菜，就係蝦干干乾啫啫帝王菜，個菜非常之嫩口，仲要勁多蝦乾。 米芝蓮味道但係平民級嘅價錢，所有食物大概$80至$100左右，真係抵食。

喺公司附近搵到一間好chill 嘅Cafe，依間Cafe食嘅嘢唔係平時普通Cafe食嘅，而係有fusion嘢食嘅Cafe。 Lunch time 都好多人嚟食，我見好多人都係食個沾麵，所以我都揀咗黑蒜醬油沾麵。喺個正餐嚟之前仲有兩片青瓜前菜，而青瓜上邊有好似薯蓉嘅醬，比每一位享用嘅人士。佢有一隻糖心蛋，萵筍，兩至三片日式叉燒，佢個黑蒜湯有濃烈嘅黑蒜味，而個沾麵我覺得個質感係幾好，可能我比較鍾意食硬身嘅麵。 每個麵餐仲包一杯嘢飲，我就揀咗哈密瓜水果茶，水果比較清。