影片
更多
2020-07-03
187 瀏覽
疫情漸趨緩和，很多酒店的自助餐亦陸續重投服務，包括城市花園酒店的Garden Cafe。翻睇自己既文章，原來對上一次來綠茵閣，是一年前的事。看似沒多久，不過這一年的巨大變化，相信你與我都感受得到，還是今朝有酒今朝醉吧！大熱天時來到，身水身汗，先吃些『生冷嘢』，藍青口、大蜆、蟹腳及大蝦等基本嘢當然俾足你，最驚喜是有麵包蟹，唔執輸整番個多羔的蟹蓋先。嚐小量沙律懶健康下，見冷盤竟有我喜歡的口水雞，幾夕攞兩件回去。至少，清爽又夠辣，我拿了雞背位，肉質自然嫩滑。印象中這兒的蒸海鮮蠻不錯，所以要了點試試，蒸扇貝嫩口，蒜茸粉絲蒸來得惹味。再說一系列的熱食，有中也有西，中式既韭菜豬紅好地道，蒸魚火喉準確，避風塘炒大蝦岩晒重口味既筆者。西式我就最欣賞咸豬手，畢竟我是一名食肉獸。燒烤食品繼續是恆常項目，燒雞翼我鍾意食，仲有羊架、大蝦及粟米，但都及不上燒菠蘿，真的超甜美。另外還有天婦羅，炸漿唔會厚到我面皮咁。是晚胃口唔錯，平日或許會略過的刺身與壽司，我都吃得下。呢度既壽司像是迷你版本，飯糰細細粒，一啖一件，會不經意地吃多了。手卷都合格，最好是紫菜仍保持脆口。叮叮叮叮...聽到鐘聲，仲唔即刻走出去排隊? 今次
疫情漸趨緩和，很多酒店的自助餐亦陸續重投服務，包括城市花園酒店的Garden Cafe。翻睇自己既文章，原來對上一次來綠茵閣，是一年前的事。看似沒多久，不過這一年的巨大變化，相信你與我都感受得到，還是今朝有酒今朝醉吧！
大熱天時來到，身水身汗，先吃些『生冷嘢』，藍青口、大蜆、蟹腳及大蝦等基本嘢當然俾足你，最驚喜是有麵包蟹，唔執輸整番個多羔的蟹蓋先。
嚐小量沙律懶健康下，見冷盤竟有我喜歡的口水雞，幾夕攞兩件回去。至少，清爽又夠辣，我拿了雞背位，肉質自然嫩滑。
印象中這兒的蒸海鮮蠻不錯，所以要了點試試，蒸扇貝嫩口，蒜茸粉絲蒸來得惹味。
再說一系列的熱食，有中也有西，中式既韭菜豬紅好地道，蒸魚火喉準確，避風塘炒大蝦岩晒重口味既筆者。西式我就最欣賞咸豬手，畢竟我是一名食肉獸。
燒烤食品繼續是恆常項目，燒雞翼我鍾意食，仲有羊架、大蝦及粟米，但都及不上燒菠蘿，真的超甜美。另外還有天婦羅，炸漿唔會厚到我面皮咁。
是晚胃口唔錯，平日或許會略過的刺身與壽司，我都吃得下。呢度既壽司像是迷你版本，飯糰細細粒，一啖一件，會不經意地吃多了。手卷都合格，最好是紫菜仍保持脆口。
叮叮叮叮...聽到鐘聲，仲唔即刻走出去排隊? 今次個自助餐，有三個排隊位，其一是經典的蘇州菜 – 富貴雞。嫩滑的雞肉釀入了瑤柱、冬菇及豬肉等材料，好豐富，想不到會係Buffet食到此味。
第二個排隊位係燒乳豬，有別於在酒家食既芝麻皮，這隻小豬仔係光皮的出品。皮脆、肉嫩、脂香，醮點點乳豬醬，連吞兩件又何妨?
最後要排隊攞既，係甜品。無錯，係一向受大眾歡迎的火焰雪山！這款甜點，好吃是必然的，可惜整個酒店大堂也實在太光猛，怎樣也影不出熊熊大火的亮點。
目測是晚都坐滿晒，要來最好早點訂枱。
張貼
