影片
更多
2018-11-11
277 瀏覽
近排醉胡爐推出呢個訂枱二人同行食滿$400送火焰龍蝦海鮮火鍋，好似好抵食咁，今晚就去試一下。餐廳燈光柔和，座位寬敞，唔會好似其他打邊爐既餐廳咁嘈雜同煙霧濔漫，如果唔係知道係打邊爐，仲以為自己係入左一間高級西餐廳。我地俾安排去卡位，呢度既卡位都係屏風隔開，隱敞性高，有個私人既小空間可以傾計。首先打邊爐最重要就係混醬，都係一般既莞茜，金銀蒜，麻醬，但呢度既沙嗲醬特別好味。龍蝦煲既海鮮好新鮮，店員先過黎炒一炒D食料，爆香佢，之後就加左酒，點火，原來火焰就係咁解。燒左既海鮮就會鎮住入面既水份，保留本身既鮮味，加上蕃茄湯再滾一滾就可以食。趁佢滾緊既時候，食住個黃金炸魚皮先。兩樣咁邪惡既野配合埋一齊係幾咁天衣無縫，咸蛋的香，魚皮的脆，令人愛不釋手。水滾之後店員叫我地先試一口湯頭，好鮮，好重龍蝦味，同西餐廳既龍蝦湯一模一樣。龍蝦好大隻，個鉗好厚肉，蝦肉好爽好彈牙，一食就知係游水龍蝦，份量好足。墨汁墨魚丸好彈牙，丸入面有墨魚粒，增加口感。蝦丸和墨魚滑一樣好彈牙，唔洗點醬汁已經好鮮甜。冬瓜好甜，龍蝦湯滲入左冬瓜入面，好入味好夠味。芋頭好粉，點埋醬汁仲好味。總括而言，所有既食材都好新鮮，湯底煮極都好有龍蝦
餐廳燈光柔和，座位寬敞，唔會好似其他打邊爐既餐廳咁嘈雜同煙霧濔漫，如果唔係知道係打邊爐，仲以為自己係入左一間高級西餐廳。我地俾安排去卡位，呢度既卡位都係屏風隔開，隱敞性高，有個私人既小空間可以傾計。
首先打邊爐最重要就係混醬，都係一般既莞茜，金銀蒜，麻醬，但呢度既沙嗲醬特別好味。
龍蝦煲既海鮮好新鮮，店員先過黎炒一炒D食料，爆香佢，之後就加左酒，點火，原來火焰就係咁解。燒左既海鮮就會鎮住入面既水份，保留本身既鮮味，加上蕃茄湯再滾一滾就可以食。
火焰龍蝦海鮮鍋
20 瀏覽
0 讚好
0 留言
趁佢滾緊既時候，食住個黃金炸魚皮先。兩樣咁邪惡既野配合埋一齊係幾咁天衣無縫，咸蛋的香，魚皮的脆，令人愛不釋手。
水滾之後店員叫我地先試一口湯頭，好鮮，好重龍蝦味，同西餐廳既龍蝦湯一模一樣。龍蝦好大隻，個鉗好厚肉，蝦肉好爽好彈牙，一食就知係游水龍蝦，份量好足。
墨汁墨魚丸好彈牙，丸入面有墨魚粒，增加口感。蝦丸和墨魚滑一樣好彈牙，唔洗點醬汁已經好鮮甜。
墨汁墨魚丸
8 瀏覽
0 讚好
0 留言
蟹籽墨魚滑
8 瀏覽
0 讚好
0 留言
冬瓜好甜，龍蝦湯滲入左冬瓜入面，好入味好夠味。芋頭好粉，點埋醬汁仲好味。
總括而言，所有既食材都好新鮮，湯底煮極都好有龍蝦味，基本上整晚都無乜點混醬，因為本身個湯底已經好夠味。
張貼
