洋食商店

營業中

休息中

洋食商店行昭和風格， 入面有唔同嘅場景，有懷舊嘅商店佈置，貼滿日式海報嘅日本街，扭蛋機及遊戲機等等，裝修同擺設都好有心思，令你會自動自覺拎手機出嚟打卡。今次坐個位仲有棵櫻花樹喺隔離， 即刻諗起軒公嘅櫻花樹下。。。🤩🤩🤩😄😄😄😙😙招牌鍋物二人餐 $498頂級美國極黑牛頸脊壽喜燒燉飯🐂關西風嘅壽喜燒先以牛油起鑊，加糖及壽喜燒汁煎香牛肉後再加各款蔬菜。牛頸脊肉味濃而且嫩滑，店員哥哥好nice，主動幫手烹煮牛肉，令牛肉以最佳嘅姿態呈現畀我哋，牛肉可以沾上生蛋漿，蛋漿可以即時冷卻牛肉及增添滑溜口感。後加嘅蔬菜吸收牛香， 味道變得香口濃郁，層次更為豐富。然後，就可以將黑松露牛奶燉飯加入壽喜燒汁， 燉飯盡吸各款食材精華，而黑松露嘅獨特香氣令人停唔到口😊😊😊🥰🥰🥰😁😁串燒拼盤🍢有豬腩肉，大蝦，雞翼，冬菇，秋葵及菠蘿， 尤以菠蘿最為出色， 好食嘅燒菠蘿係酸甜多汁，熱力會濃縮菠蘿嘅甜度， 味道不得了😛😛😛😊😊😊😙😙雞皮餃子🐥一整塊雞皮包住肉碎， 烤得好香脆，雖然係雞皮，但完全唔會覺得有膩感，廚師油温控制不錯🤩🤩🤩🥳🥳🥳😙😙明太子玉子燒🐣玉子燒香甜重蛋味，明太子醬配上蟹籽，口感豐富香濃， 呢個小食好食😚😚😚