影片
更多
2022-09-17
1044 瀏覽
男朋友突然心血來潮想食pizza，喺開飯喇搵搵附近有咩pizza小店，見呢度咁多好評，又有我鍾意既印度菜。原本佢懶得出街堂食或外賣，想上熊貓網送上門。不過我地想買嗰時呢間鋪只有自取無得外送，比我嗲幾嗲就死死氣陪我出去。剛剛好喺約定時間到店舖，但職員話要等多陣，最後要等個零兩個字先搞掂。因為叫左魷魚圈，怕好快淋，所以快快脆脆返酒店。一路行返去，隔住包裝盒同口罩都聞到pizza香，所以都好期待。點知一打開盒...咁·燶·既 即刻期待變失望。不過坦白講，味道唔差，調味適中唔會過咸，食到淡淡既印度香料味，材料都唔少。只係批邊焗得過曬火，唔止相中既4塊，其實成個批既3/4都燶左。如果我地堂食，餐廳會唔會將呢份pizza送上檯？？另外外賣魷魚圈真係我地蠢左，即刻十分鐘內返到酒店再即刻食，但因為即炸關係，膠盒入面已經充滿倒汗水，炸漿又厚又淋。如果有機會再幫襯，一定只會堂食！
剛剛好喺約定時間到店舖，但職員話要等多陣，最後要等個零兩個字先搞掂。因為叫左魷魚圈，怕好快淋，所以快快脆脆返酒店。
一路行返去，隔住包裝盒同口罩都聞到pizza香，所以都好期待。點知一打開盒...咁·燶·既 即刻期待變失望。不過坦白講，味道唔差，調味適中唔會過咸，食到淡淡既印度香料味，材料都唔少。只係批邊焗得過曬火，唔止相中既4塊，其實成個批既3/4都燶左。如果我地堂食，餐廳會唔會將呢份pizza送上檯？？
另外外賣魷魚圈真係我地蠢左，即刻十分鐘內返到酒店再即刻食，但因為即炸關係，膠盒入面已經充滿倒汗水，炸漿又厚又淋。
如果有機會再幫襯，一定只會堂食！
張貼
