168
9
1
港鐵佐敦站 C2 出口, 步行約5分鐘 繼續閱讀
電話號碼
34855547
營業時間
今日營業
11:00 - 23:00
星期一至日
11:00 - 23:00
付款方式
AlipayHK 支付寶 現金
座位數目
40
其他資料
網上訂座
酒精飲品
自帶酒水 詳細介紹
切餅費 詳細介紹
電話訂座
加一服務費
當面支付
有關獎賞計劃
食評 (186)
等級3 2020-07-05
124 瀏覽
佐敦一帶有不少小店餐廳,價格都比較親民,今次選了這家印度式西餐廳晚餐。小店座無虛席,等位大概30分鐘。餐牌除了印度咖哩、卡巴外,還有意粉、扒類西式選擇,的確適合朋友聚餐,總有一款啱心水!夏日炎炎,首先飲返杯野先!MANGO LASSI,好有乳酪味,酸酸甜甜開胃。VANILLA MILKSHAKE 唔會太甜都唔錯主食方面,首先有印度薄餅。配料有印度烤雞肉、蘑菇、甜椒等,加上薄荷沙律醬,好惹味!去骨牛油烤咖喱雞,雞肉份量很足,肉質嫩滑。咖喱汁辣度剛好,又有牛油香,推薦必食!蒜茸烤餅,熱辣辣剛烤好上枱,配咖喱一流。扣分位是用餐環境比較窄,而且當晚好嘈吵,講嘢要大大聲,有點辛苦。 繼續閱讀
(以上食評乃用戶個人意見 , 並不代表OpenRice之觀點。)
講起印度菜,平時都只係聯想到印度咖喱、印度薄餅,但係食完Pizza Max Bistro之後就發現,原來印度菜唔止咁簡單!呢間餐廳嘅位置喺佐敦嘅內街、屬於比較靜嘅地帶,由於唔係好近彌敦道嘅大街,附近人流唔算多,由地鐵站過去亦都大概要行10分鐘,對面亦有幾間酒吧,適合三五知己過黎食餐飯、飲杯野!正正因為餐廳嘅位置並唔係大街,如果唔係刻意上網去搵都未必留意呢間餐廳。事源就係最近出街食飯都係食日、韓、台,所以就同朋友抱住「試伏」嘅心態喺網上揀咗佐敦呢間印度/多國菜,發掘一下除咗咖喱之外嘅其他印度菜式!意想唔到,由試伏變咗有驚喜,亦都增加咗我對印度菜嘅興趣!-餐廳唔算好大,唔知係咪因為限聚令未過,今晚黎食飯嘅人亦唔算好多,坐得好舒服,大聲啲講野都唔怕嘈親隔離枱嘅人! 餐廳盡頭係吧枱嘅位置,望落好精緻亦有好多酒品選擇,而呢度嘅signature cocktail價錢唔算好貴,大概60-70蚊一杯,不過因為第二日要翻工所以淨係嗌咗蘋果汁🍹。餐廳內部裝修偏向以dark color為主,比較簡約,牆上面掛咗啲風格畫,提升咗整間餐廳嘅情調,餐廳亦keep住播啲jazz music,好有氣氛,啱晒食完飯繼續坐喺度同frd吹水hea下,所以我地5個女人都坐到差唔多收鋪先走!-頭盤去到揀食物方面,餐牌中英對照,非常方便,對於我呢啲英文差又懶得google translate嘅人黎講真係一個懶人恩物!沙律雖然餐廳已印度作為主題,但無論係頭盤、沙律、到主菜、廚師精選、意粉等等,其實都有好多西餐嘅選擇,一啲都唔會好似好悶剩係得咖喱揀!Pizza由餐牌所見, Pizza嘅選擇特別多,甚至可以自己配搭出最啱口味嘅Pizza !值得一提嘅係,只要加多$40就可以喺pizza上面食到水牛芝士,非常抵呀!主菜咖哩飯Dish of the day-經過一番掙扎之後,前菜我哋order左一個蒸嘅momo、一個炸嘅momo同埋一份沙律。首先講吓momo,亦即係特製醬雞餃(炸:$75;蒸$70),Momo係街知巷聞嘅印度街頭小食,可以話係印度人由細食到大,外型同口感都有啲似中國餃子,但係入面個餡係mix咗印度香料,所以食落係有另一番風味!雖然炸嘅momo外皮脆卜卜比較有口感,但係個人就鍾意食蒸嘅momo,因為蒸嘅做法可以keep住個餡入面嘅肉汁,一咬開啲肉汁就爆曬出嚟,非常juicy,再加埋佢個homemade辣醬,超好食!!!!!!!!-另外再嗌咗個雞肉牛油果沙律 Chicken and Avocado Salad($125),中規中矩嘅沙律,份量尚算大,5個女仔share啱啱好,感覺個牛油果如果再熟啲就會好食啲,因為個牛油果太生會冇乜味。但都好欣賞個雞肉醃得入味,食得出黑椒味,加埋呢個沙律用柚子醋Max埋,所以好Fresh唔會感覺太Heavy !-主菜出場喇!首先講下呢個必食嘅去骨牛油烤咖喱雞($109)配蒜蓉烤餅 Garlic Naan ($28),啱啱上菜已經聞到好香牛油味,而烤餅亦係新鮮熱辣辣出爐,嚟到啲煙不斷升起。咖喱同個烤餅非常match,咖喱味食得出比較重Coconut milk,加埋牛油,個質感好滑,但同時亦都比較好「漏」所以食咗一小塊咖啡烤餅已經覺得好飽好濟。至於個雞因為已經去咗骨嘅緣故,所以食得好舒服,啖啖肉,而且整得好嫩唔會overcook咗,超級推薦👍🏻👍🏻!我地另外再嗌咗個牛油烤餅 Butter Naan($24),牛油烤餅比較油,而且無蒜蓉烤餅咁香,所以我會建議大家都係嗌翻蒜蓉烤餅!-既然餐廳叫得自己做Pizza Max,我哋當然就要試吓佢個公司特選薄餅 Max’s Special Pizza (中:149  大:$179)啦!呢間餐廳嘅Pizza全部都有分M size同L size嘅,M size嘅尺寸係10吋,而L size就係14吋,兩個size都係切開成八片pizza,好容易同朋友share!由於我哋有個朋友係對芝士敏感,我哋同店員講咗之後佢都好細心幫我哋淨係放咗半邊pizza有芝士,留返半邊係冇芝士比我朋友可以食到。呢個Pizza係簿批,好足料,一切開啲topping已經跌曬出黎!味道黎講呢就唔算好impressive ,不過一定好食過Pizza Hut DHL嗰啲連鎖薄餅店!-最後我地亦點咗個意大利式餃子 Tortellini ($120),餃子本身好有口感,加埋芝士忌廉醬個味即刻豐富好多,佢本身個sauce入面仲有菇同豆,再落埋extra芝士粉真係錦上添花,好食過好多自稱正宗意大利菜嘅tortellini!-總括嚟講呢間印度fusion菜餐廳10分滿黎講絕對值得8分,每一碟餸都食得出係認真製作,而且好多樣化,最後埋單每人都唔駛140蚊,性價比極高!唯一美中不足就係呢度嘅餐牌冇甜品,如果有埋甜品就真係完美啦!🦕 by 周 - 圍 食 👁 繼續閱讀
(以上食評乃用戶個人意見 , 並不代表OpenRice之觀點。)
超級好食印度菜!!!😍其實佢都有西餐menu, 好多選擇👍🏻🥠Garlic Naan 蒜蓉烤餅💯💯💯 必食!!熱辣辣!外酥內軟,香口到不得了!唔洗沾curry食已經好惹味!🥟特製醬雞餃 唔會油膩,大大粒,餡料好豐富!🥗雞肉牛油果沙律 雞柳牛油果夠滑!香草麵包粒好香有口感👍🏻 個蜜糖蛋黃醬簡直係錦上添花🥩頂級肉眼扒 都唔錯👍🏻 夠juicy!🍹Mango Lassi 好濃芒果味 有啲似芒果yogurt咁🤤 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-02
416 瀏覽
心情非常矛盾,因為在疫情下又想吃到美味的Pizza,但又唔敢出街,但係又想幫助促進經濟發展,外賣速遞服務當然是首選,但是外賣速遞是有地區性的限制,所以今次便改變計劃,改為外賣自取,看過這間Pizza店的食評,口碑非常好,睇到我心旭旭口水都流埋,所以決定嘗試叫這間Pizza店,因為自己一個人食所以要了一個"公司特選大薄批"$179再加上水牛芝士$40在Pizza面,口感/香味/質感/用料,肯定滿足到所有喜歡吃Pizza超級Fans。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-08
304 瀏覽
平時比較少食印度菜,上網見到呢間主打印度fusion菜嘅餐廳,就決定一試!店內裝修充滿異國風情,而menu上嘅菜式亦非常多元化,最受歡迎嘅一定係pizza同naan食完非常滿足~✨chicken momo ($75/8pcs), 可以選擇要蒸/烤餃,餡內嘅雞肉新鮮,熱辣辣脆卜卜,但食落唔油膩,配上辣醬更加惹味!✨Garlic Naan ($28) 食落香脆,蒜蓉味夠濃✨Texas pizza ($159/M size) 所有pizza都可以揀要M/L size,兩個人食嘅話M size就啱啱好~呢款係印第安烤雞+蘑菇配sour cream同sweet chilli sauce, 餅底非常鬆軟,配上bbq sauce,夠晒juicy! 重點推介上面嘅sour cream同chilli sauce,入口有驚喜,成個組合簡直係絕配,回味無窮!飲品方面:要咗🥭Mango lassi($48)同🥥coconut smoothie($48),加咗乳酪令整體甜甜地帶點微酸,配pizza唔錯!下次再黎會想試埋ribs同咖哩 繼續閱讀
(以上食評乃用戶個人意見 , 並不代表OpenRice之觀點。)