The Stadium

營業中

休息中

朋友從外國回港旅遊逗留一段時間，相約食晚飯，看見這間新開不久的工廈餐廳，決定book位一試。去到餐廳，整體感覺有點像bar，非常寬敞，比預料中地方更大。去到因為留左位，所以可以即時入席。我地兩個女仔，研究左一輪menu，決定叫小食、主食share。筆記食過一次後，真心認為值得再去，而且有happy hour時段，一班人傾計、看球賽、飲杯野都絕對正!墨西哥風味脆烤雞翼，醬汁濃郁，酸酸甜甜，口感豐富，不過食多會有點「漏」。美國極黑毛豬，超厚身，勁大件。另外，加上多款蔬果作伴碟，有青瓜，蘋果及燈籠椒，好吸引又惹味。不過黑毛豬略為韌，希望下次食再次有改善。香脆薯條，絕對是筆記最愛，黑松露加上芝士粉，味道一流，食完想再食。