MG Cafe

營業中

休息中

週末約咗朋友食lunch，揀咗呢間都幾多好評嘅cafe試下。歐美木系裝潢，帶點七，八十年代懷舊風格。樓底夠高，空間感強，雖然去到中午，有自然光入店但又唔會覺得曬，感覺舒服，好適合朋友聚餐或者情侶約會。北海道帶子、美國露筍配波菜忌廉汁燴意大利飯 $158帶子煎香兩邊而入面岩岩好熟，露筍夠嫩冇渣，波菜忌廉汁夠濃郁，岩岩好包住晒D飯而唔過多，意大利利飯亦軟硬適中，份量算多。Classic Breakfast $128牛角包完全係主角，非常之鬆脆，唔會好油，炒蛋應該加咗cream炒，非常濕潤嫩滑，其他腸、煙肉、炒雜菌、茄汁豆，正常野。香燒鴨胸伴咸蛋黃芝士汁燴扁意粉 $148鴨胸有少少偏騷，肉質夠淋，意粉加咸蛋黃芝士汁夠乾身唔會太多汁太漏，份量適中。