日悅極尚日式放題 (裝修中)

週日相約朋友一家係尖東食飯。聽朋友介紹有一間親子餐廳，大人有得食，小朋友又有得玩，一箭雙鵰。內部擺設充滿日本風轉個彎就有兒童遊樂室，有韆鞦、滑梯、翹翹板。可以俾小朋友係度放放電。呢度有放題同定食可以揀。我哋揀左定食，價錢相宜👍🏼👍🏼👍🏼前菜係刺身同埋沙律，味道尚可。牛肉壽喜燒，味道不俗，如果唔夠飽 仲可以添飯。啱曬d化骨龍。喜出望外的是呢個鰻魚飯，以呢個價錢出邊食都對鰻魚不抱太高期望，但呢度的質素可以比美一般居酒屋，講緊價錢係2倍以上。牛仔骨燒得幾惹味，但略嫌韌。最後送上一刻紫薯甜品，炸粉較多，所以都剩低左。總體來說，有得玩有得食的貼地親子餐廳唔多。這間可說是價廉物美，值得推介。