Milu Thai มิลู่ไทย (耀華街)

營業中

休息中

下雨天一行六人去行山，喺OpenRice見到呢間泰菜幾吸引就去咗銅鑼灣試吓，原本冇抱特別期望，不過卻有驚喜 我們點了火山排骨、咖喱三重奏配蒜蓉麵包粒、鹽燒鯽魚、串燒雞豬、泰式蛋包炒金邊粉和飛天椰菜苗，當然唔少得飲品啦，包括有芒果梳打、青檸梳打和柚子蜜。火山排骨(醬汁另上）因同行友人唔辣得，賣相麻麻，有啲似煲湯骨，不過食落又幾好味，軟硬適中，醬汁香辣，幾醒胃。咖喱三重奏配蒜蓉麵包粒 我覺得最精彩，一煲有齊紅黃綠咖喱，配蝦、青口、貝類、魷魚、炸魚柳、炸軟殼蟹和蔬菜。軟殼蟹大件又厚肉，綠咖喱集香濃滑於一身，用蒜蓉包點嚟食，好正。鹽燒鯽魚 魚肉軟滑鮮甜，唔會太鹹，配香辣醬汁又有另外一番風味。串燒雞豬各三串，唔似炭火燒嘅，不過肉質剛好，肉比其他店大少少，唔乾只係冇炭火燒過嘅香味，沙嗲醬夠香濃。泰式蛋包炒金邊粉 金邊粉味道正常，疍包有噱頭，疍皮略硬，不過上面啲蝦用茄汁炒過，有用心。飛天椰菜苗 應該係用麵醬和辣椒炒，夠野味。飲品甜度適中，芒果夠香。總括嚟講，今晚食物有驚喜，菜式有新鮮感，味道好！餐廳環境氣氛都幾好，牆畫繽紛，給人開心熱鬧感覺，環境唯一缺憾係男女共用一厠，內