Chef's Stage Kitchen (西菁街)

營業中

休息中

元朗小食多就出哂名，今日係離商場遠小小的位置搵到一間寶藏西餐廳，環境同食物質素都拍得住市區，好值得試下。臨近12月餐廳已經佈置得好有聖誕氣氛，餐牌上的食物單價落係百幾二百元，我哋揀左2人餐，有齊前菜主食飲品，價錢算抵食！湯我哋叫左2款，周打蜆湯好creamy ，食落會feel到有蜆肉係入面。而黑松露牛肝菌湯的牛肝菌味亦幾濃郁，冇比黑松露蓋過。前菜既帶子鮮甜超大粒，食落唔似係一般餐廳比既急凍貨，有少少刺身口感。三文魚小餡餅都係一口size，煙三文魚好香，配埋餅仔同沙律食幾開胃。蟹肉risotto 味道有驚喜，飯既口感適中偏硬，係傳統意大利飯應有既質感，蟹肉完美溶入risotto，食落有蟹既鮮味👍🏻豬鞍既炭燒味好出好好食，而最欣賞既係豬鞍雖然係全熟，但係肉質仍然好鮮嫩有肉汁，喱個係近期食幾間其他餐廳都做唔到既效果。餐廳有頗多特色飲品供應，我同朋友揀左水果酒同一杯kiwi mojito ✌🏻酒味唔重，好適合想淺嚐酒精又唔係好飲得既朋友。