HAND3AG (朗豪坊)

營業中

休息中

🥪一直都想試下呢間人氣爆餡三文治，見朗豪坊開左堂食分店就一於試下🍗OPPA炸雞鐵板三文治 $52真係超級爆餡 入面有滿滿嘅泡菜、醋漬紅蘿蔔同蘿蔔絲，仲有勁多燒烤醬，泡菜醬汁同蛋黃醬一口真係食唔晒😂鐵板三文治麵包麵係有烘底，食落去微脆香口由於真係好多餡，食起上黎比較倫盡，如果餐廳可以提供將三文治開半服務就會更方便大家食同打卡。🇯🇵遊日懶人鐵板三文治 $73呢個餡料非常高質，夾左炸到脆卜卜嘅吉列和牛漢堡，一大粒照燒帆立貝。醬汁用上左香蒜檸檬蛋黃醬，有助中和炸物嘅油膩感🥐CROFFLE 大甲芋泥麻糬 餐廳會有幾款唔同嘅croffle , 芋泥份量好多鋪滿左成個Croffle.芋泥口感超綿密細緻,如果會翻焗令Croffle 更脆就更好🍟芝士辣肉醬薯條 $38有三種醬料，分別係肉醬、牛油果醬同芝士。🥤日本白桃乳酪沙冰 $42呢個喜出望外！估唔到沙冰入面會有唔少白桃果肉。沙冰甜度適中，非常解渴。