影片
更多
2024-02-11
429 瀏覽
喺香港極少可以食到荷蘭菜，朋友極度推薦嘅呢一間荷蘭菜餐廳俾咗我超大嘅驚喜。之前去過荷蘭，但係都唔覺得有特別啲咩好好食，但係呢個餐廳令到我覺得荷蘭啲嘢原來係可以好好食。首先餐廳環境有極大嘅玻璃窗，可以俯瞰尖沙咀，好啱紀念日或者拍拖浪漫一下。餐廳亦都有一個位好似包廂咁，可以見到廚房，直接睇到廚師煮嘢食嘅樣。餐廳嘅職員超級有心思會講解每一道菜。講吓嗰日食咗啲咩，係廚師發辦，估唔到西式餐廳都有廚師發辦🤣大廚之後又出嚟同我哋傾吓偈，講返係因為佢哋真係會以當日新鮮嘅食材去整嘢食俾客人，聽完都覺得真係好有誠意🥺首先前菜有個自家製嘅腸仔，超級好食，我簡直想買返屋企。個腸仔有少少咖喱同埋咖啡味。 將啲朋友解釋到啊原來真係用咗呢兩樣嘢整，估唔到呢兩樣嘢整完出嚟嘅味道係咁好食！跟住仲有個炸牛肉丸，肉味香濃，超級鬆化橡木煙燻野生鰻魚沙律，呢個係朋友極力推薦嘅菜式，本身都諗住只係鰻魚，冇乜特別期望，但係食完之後超級驚喜！完全唔係平時食開嗰種日本鰻魚嘅味，味道鮮甜，肉質非常之Q彈！超特別！再加埋配個沙律汁，酸酸甜甜，非常之開胃龍蝦湯 - 龍蝦味超級濃郁，餐廳經理話呢一碗係超級足料，成隻龍蝦去煲嘅湯！同埋我非常欣賞
首先餐廳環境有極大嘅玻璃窗，可以俯瞰尖沙咀，好啱紀念日或者拍拖浪漫一下。餐廳亦都有一個位好似包廂咁，可以見到廚房，直接睇到廚師煮嘢食嘅樣。餐廳嘅職員超級有心思會講解每一道菜。
講吓嗰日食咗啲咩，係廚師發辦，估唔到西式餐廳都有廚師發辦🤣大廚之後又出嚟同我哋傾吓偈，講返係因為佢哋真係會以當日新鮮嘅食材去整嘢食俾客人，聽完都覺得真係好有誠意🥺
首先前菜有個自家製嘅腸仔，超級好食，我簡直想買返屋企。個腸仔有少少咖喱同埋咖啡味。 將啲朋友解釋到啊原來真係用咗呢兩樣嘢整，估唔到呢兩樣嘢整完出嚟嘅味道係咁好食！跟住仲有個炸牛肉丸，肉味香濃，超級鬆化
橡木煙燻野生鰻魚沙律，呢個係朋友極力推薦嘅菜式，本身都諗住只係鰻魚，冇乜特別期望，但係食完之後超級驚喜！完全唔係平時食開嗰種日本鰻魚嘅味，味道鮮甜，肉質非常之Q彈！超特別！再加埋配個沙律汁，酸酸甜甜，非常之開胃
龍蝦湯 - 龍蝦味超級濃郁，餐廳經理話呢一碗係超級足料，成隻龍蝦去煲嘅湯！同埋我非常欣賞佢個湯上面嘅酥皮，佢哋話係自家製嘅酥皮，好有牛油香同埋好鬆脆！我係一個超中意食pastry 既人，呢個酥皮真係數一數二咁好食！
荷蘭傳統青口鍋 - 啲青口好新鮮爽口，食青口好最緊要就係佢汁，佢個汁有好香嘅酒味，餐廳職員亦都有解釋佢哋唔係好似坊間咁用好多cream，佢哋用咗好多白酒去煮個汁。配埋佢哋嗰個蒜蓉包點嗰啲汁食好搭！
野生三文魚& （另一種唔記得咩魚）既酥盒 - 同我上面講嘅一樣，佢嘅酥皮係非常非常非常出色！原來佢個好特別嘅白汁，令人食完想再食🥹兩款魚嘅肉質都好彈牙。呢個菜式真係好特別！
我朋友話呢度嘅wine pairing又抵又好飲， $188有三杯，同埋呢度嘅老闆本身係品酒師，所以對酒嘅要求都好高。好可惜我嗰日唔係好舒服飲唔到
總括嚟講我覺得成個餐廳都好有心去整嘢食，整出嚟嘅味道唔係咁容易喺另一間餐廳度，職員亦都好有心機，deliver一個好好嘅飲食體驗客人。令我真心好想再去食多次嘅餐廳！
張貼
