心之食堂 (裝修中)

一向都知百樂中心多野食，今次同朋友來呢間餐廳，比佢既巨型牛舌飯吸引了。必食神級香葱牛舌石鍋飯，賣相超吸晴，牛舌份量超多之餘仲切到容易食，用左石鍋來裝飯，可以保温外下面仲有飯焦，脆脆哋好香口。第二個必食推介一定係胡椒豬肚湯煮蜆，胡椒味好香濃，呢個時間涼涼地飲就最岩啦。沙蜆超大粒仲鮮甜，加上清甜既娃娃菜，真係諗起都流口水啦~蟹肉忌廉餅即叫即炸，份量岩岩好，而家creamy之餘仲有絲絲蟹肉鮮味。當然唔好錯過串燒啦，每款都燒到好有水準，必食燒雞腎，燒秋葵，雞軟骨，鹽燒雞翼同鯖魚，只係簡單用鹽調味，已經好滋味了~最後叫左百香果柚子茶同蜂蜜柚子茶，甜度岩岩好，仲可以解去食物既油膩感。