肉肉強食 by 鋒膳 (已結業)

網上搵到長沙灣肉肉強食 by 鋒膳 有抵食扒餐，全日冇加一，用料講究，挑選紐西蘭 Affco牛肉及美國大草原自然豬扒等無激素肉類，堅持絕不採用鬆肉粉及食粉醃製。吸引到我和同事放工過嚟試吓！餐廳內裏的佈置有點懷舊感，最熟識係卡座和紅白格仔枱布，令人勾起少年回憶。紐西蘭羊架用熱辣辣鐵板盛載上枱，有三大塊份量十足，紐西蘭羊是草飼羊隻及天然放牧，無使用激素，肉質鮮嫩，倒入黑椒汁即時香氣四溢，（可選醬汁,黑椒或洋蔥或蒜蓉汁），辣辣哋好惹味，配咗薯條好香脆。鐵板餐美國雞扒，大大塊雞扒厚身肉嫩，配黑椒汁和意粉，啖啖肉越食越滋味！加22蚊升級做套餐，就包埋餐湯、牛油餐包、白飯/意粉/薯條、餐飲同甜品（雪糕或啫喱）。我最鍾意佢哋嘅忌廉湯，有粟米和磨菇，口感好creamy！紅豆冰，紅豆煮得夠淋身，仲唔會過甜，仲有陣陣煉奶香！雲呢拿雪糕滑溜，不會太甜。芝士漢堡包，漢堡扒以 Affco 牛柳、西冷同肉眼 攪碎而成。並混以自家調味料、洋蔥及蛋。漢堡扒肉汁豐富，配埋香濃幼滑嘅半溶芝士和鬆軟嘅包，重有香脆薯角，真係好滿足。