影片
更多
2022-07-10
533 瀏覽
今日行經北角 喺英皇道嘅一間餐廳門口堆滿晒人😮 所以都吸引咗我望多兩眼 原來係呢間好出名嘅炯記燒味 原來好多人都係諗住買外賣返屋企 但係既然有堂食 梗係入去試吓啦燒味選擇其實有好多 但係最吸引我嘅都係呢個比較抵食嘅 炯記二人套餐😺 因為唔使$200有好多樣嘢食🐵麻辣手撕雞 (半隻)雖然餐牌上面已經寫咗有半隻咁多嘅手撕雞 但係上碟嘅時候都真係好驚喜🙈 因為麻辣醬好均勻 而且雞肉一絲絲咁 骨嘅份量唔多 淨係有雞翼雞腳同雞殼有少少骨 證明真係足半隻㗎🐥 食落口好惹味醬皇豬手一碟有五件 每件都好厚肉 而且炆得好入味 見到餐廳有個牌寫住豬手每件都炆咗三至四個鐘🐷 而且都見到唔少人嗌呢碟豬手㗎麻辣雞腎麻辣醬同手撕雞嘅味道相似 雞腎食落口好爽酸辣雲耳冇睇清楚餐牌嘅我以為有雞腎 就冇雲耳 原來係兩樣都有㗎 呢碟好開胃郊外油菜我哋冇特別嗌走油 但係都冇蠔油 真係啱晒我哋 食菜嘅話我就鍾意清清地食返菜本身嘅鮮味🥬太子鵝油撈麵 (兩碗)聽說鵝油撈麵係呢間嘢嘅重頭戲 味道的確好出色👍🏻 第一次食嘅我仲好擔心佢好油膩 但係絕對唔會呀 而且個面又唔會黐住一舊舊🥰是日靚湯 (兩碗)兩碗都有粟米同紅蘿蔔喺入邊 不過由
今日行經北角 喺英皇道嘅一間餐廳門口堆滿晒人😮 所以都吸引咗我望多兩眼 原來係呢間好出名嘅炯記燒味 原來好多人都係諗住買外賣返屋企 但係既然有堂食 梗係入去試吓啦
燒味選擇其實有好多 但係最吸引我嘅都係呢個比較抵食嘅 炯記二人套餐😺 因為唔使$200有好多樣嘢食🐵
麻辣手撕雞 (半隻)雖然餐牌上面已經寫咗有半隻咁多嘅手撕雞 但係上碟嘅時候都真係好驚喜🙈 因為麻辣醬好均勻 而且雞肉一絲絲咁 骨嘅份量唔多 淨係有雞翼雞腳同雞殼有少少骨 證明真係足半隻㗎🐥 食落口好惹味
醬皇豬手一碟有五件 每件都好厚肉 而且炆得好入味 見到餐廳有個牌寫住豬手每件都炆咗三至四個鐘🐷 而且都見到唔少人嗌呢碟豬手㗎
麻辣雞腎麻辣醬同手撕雞嘅味道相似 雞腎食落口好爽
酸辣雲耳冇睇清楚餐牌嘅我以為有雞腎 就冇雲耳 原來係兩樣都有㗎 呢碟好開胃
郊外油菜我哋冇特別嗌走油 但係都冇蠔油 真係啱晒我哋 食菜嘅話我就鍾意清清地食返菜本身嘅鮮味🥬
太子鵝油撈麵 (兩碗)聽說鵝油撈麵係呢間嘢嘅重頭戲 味道的確好出色👍🏻 第一次食嘅我仲好擔心佢好油膩 但係絕對唔會呀 而且個面又唔會黐住一舊舊🥰
是日靚湯 (兩碗)兩碗都有粟米同紅蘿蔔喺入邊 不過由於我哋呢個二人餐實在太豐富 都飲唔晒成碗湯啊😚
阿華田五穀麥芽特飲五穀麥芽顏色好特別 真係同佢特飲個名一樣 似一座雪山🏔️ 下面就係凍阿華田
咸檸七炎炎夏日真係好需要飲杯汽水 gur返吓🤣
整體來講呢個二人餐真係好豐富 食到捧住個肚走🙈 呢個價錢來講真係好抵食
張貼
