和拉麵

營業中

休息中

今日同朋友好早到大埔搵飯食，一直bookmark咗嚟間黃店拉麵。反正咁早到又抱住唔洗排隊嘅心態就決定試吓"和拉麵"。"和拉麵"營業時間係六點開始，我同朋友六點三到已經要等四張枱！真係不愧係💛店 門口裝飾都幾似喺日本見到果啲拉麵小店。門外仲有冰水俾客人一路等一路飲，真係好細心~ 今日適逢係禮拜日，等嘅人應該比平時多，終於等左廿分鐘就入到去！我哋係門口已經諗好寫低埋想食啲乜。第一次去到梗係要食啲原汁原味嘅拉麵。我叫咗個特濃豚骨原味拉麵。拉麵唔洗三分鐘就上枱啦~ 一飲落個湯底真係好濃厚，應該真係用咗好多個鐘嚟煮啲湯，飲完個咀邊都會癡立立。湯亦唔會好鹹，所以都可以盡情飲。拉麵部份我反而覺得一般。雖然已經揀咗硬麵但係都係覺得可以再硬多少少，同埋私心覺得如果可以揀粗啲嘅拉麵會更加夾。我食食下先醒起因為叫咗嘅拉麵湯都只係主要用豚骨煮嘅，所以就少咗味道上嘅層次。個湯又冇乜蒜味，如果有得自行加磨咗嘅生蒜應該會更加好味同解膩。其他配料都冇乜特別。玉子係半熟流心但係得半隻而且冇乜醬油味。叉燒都算有心思，係有火炙過嘅，一碗拉麵只有兩塊亦唔算大舊。整體上，拉麵味道都只係中規中矩。但係香港真係有好多好好食嘅拉麵