影片
更多
2023-02-20
1153 瀏覽
四點鬆啲去到餐廳，已經過哂午市/下午茶，又未到晚市，估唔到都要排咗廿幾分鐘先有位，真係好生意。原條烤八爪魚鬚墨汁意大利飯（$138）賣相幾好，原條八爪魚鬚頗大條又粗身，因為煮得剛剛熟，所以煙韌得嚟又夠軟身，但可惜食唔出烤嘅味道。墨汁意大利飯味道偏淡，味道唔夠濃郁。飯中間有十數粒墨魚仔頭，好得意，口感不錯。另外仲有塊芝士脆脆，芝士味好濃，我鐘意。黑松露軟殼蟹意大利粉（$122）軟殼蟹一隻開半，但頗細隻，味道正常。意粉煮得剛好有咬口，黑松露醬味足亦夠濃厚。蕃茄肉醬溫泉蛋意大利闊條麵（$108）份量頗大碟，蕃茄肉醬都有不少，夠撈哂成碟闊條麵，微酸/甜/咸，味道正常。闊條麵同樣煮得剛好有咬口，更有口感。羽衣甘藍藜麥沙律（+$28）份量唔算多，但對得住價錢，清新爽口。車打芝士薯條（+$28）黑松露醬薯條（+$28）叫咗兩份薯條，兩款醬。薯條夠熱夠脆。車打芝士醬同黑松露醬都夠哂濃味，不分上下，都好啱點薯條食。熱黑糖薑母茶（$0）甜甜哋，辣辣哋，夠哂驅風。凍檸檬蜂蜜（$0）酸酸哋，甜甜哋，夠哂清爽。PS：自己 scan QR code 落單。另收加一服務費。PPS：「荳子」同對面間「我想與你無所事事
原條烤八爪魚鬚墨汁意大利飯（$138）
賣相幾好，原條八爪魚鬚頗大條又粗身，因為煮得剛剛熟，所以煙韌得嚟又夠軟身，但可惜食唔出烤嘅味道。墨汁意大利飯味道偏淡，味道唔夠濃郁。飯中間有十數粒墨魚仔頭，好得意，口感不錯。另外仲有塊芝士脆脆，芝士味好濃，我鐘意。
黑松露軟殼蟹意大利粉（$122）
軟殼蟹一隻開半，但頗細隻，味道正常。意粉煮得剛好有咬口，黑松露醬味足亦夠濃厚。
蕃茄肉醬溫泉蛋意大利闊條麵（$108）
份量頗大碟，蕃茄肉醬都有不少，夠撈哂成碟闊條麵，微酸/甜/咸，味道正常。闊條麵同樣煮得剛好有咬口，更有口感。
羽衣甘藍藜麥沙律（+$28）
份量唔算多，但對得住價錢，清新爽口。
車打芝士薯條（+$28）黑松露醬薯條（+$28）
叫咗兩份薯條，兩款醬。薯條夠熱夠脆。車打芝士醬同黑松露醬都夠哂濃味，不分上下，都好啱點薯條食。
熱黑糖薑母茶（$0）
甜甜哋，辣辣哋，夠哂驅風。
凍檸檬蜂蜜（$0）
酸酸哋，甜甜哋，夠哂清爽。
PS：自己 scan QR code 落單。另收加一服務費。
PPS：「荳子」同對面間「我想與你無所事事」cross-over，前者可以係餐廳點後者嘅嘢飲，仲有原價減$8。另外後者可以買前者啲甜品，有折。
原條烤八爪魚鬚墨汁意大利飯
$138
37 瀏覽
0 讚好
0 留言
黑松露軟殼蟹意大利粉
$122
23 瀏覽
1 讚好
0 留言
蕃茄肉醬溫泉蛋意大利闊條麵
$108
26 瀏覽
0 讚好
0 留言
羽衣甘藍藜麥沙律、車打芝士薯條、黑松露醬薯條
18 瀏覽
0 讚好
0 留言
熱黑糖薑母茶
22 瀏覽
0 讚好
0 留言
凍檸檬蜂蜜
9 瀏覽
0 讚好
0 留言
張貼
