小火焰韓式咖啡廳 (觀點中心) (已結業)

前幾日去「小火焰」食lunch，餐廳午餐set包埋飲品🧋都只係五十幾蚊，環境舒適而且食物質又好，性價比十分高✨，仲可以加配小食🍡，十分推介。👏🏻豬五花炒粉絲$68傳統韓式炒粉絲，粉絲微辣🌶開胃好味，粉絲乾身唔油膩，而豬五花肉份量夠多，肥瘦適中有層次感，配合翠肉瓜等配料，非常好味😋。温泉蛋野菜牛肉蕃茄湯烏冬$58溫泉蛋夠曬流心軟滑，野菜牛肉味道濃郁，蕃茄湯烏冬分上，蕃茄湯濃郁酸甜好味，十分抵食。👍🏻甜薯咖哩雞腿肉飯$58甜薯香甜，咖哩汁唔算辣，雞腿扒皮煎得香，肉嫩滑，整體不錯✨。加$15追加芝士夾餅🍕，夾餅外脆，裡面芝士香濃，十分好味😋。