影片
更多
2024-01-05
51 瀏覽
介紹返💁🏻♀️。。🇹🇭 泰菜 在銅鑼灣 🇹🇭。Milu Thai มิลู่ไทย。百樂中心2樓。柚子鮮蝦沙律Grapefruit Salad With Prawn。HKD98 + 10%炸蝦餅 Deep Fried Shrimp Cake。HKD88 + 10% 蒜蓉牛油雞翼 Garlic Butter Chicken Wings。HKD88 + 10%香煎薄餅 Pancake。HKD48 + 10%咖哩三重奏 配 蒜蓉包粒Jumbo Curry with Garlic Bread。HKD218 + 10%大頭蝦冬蔭公湯 Tom Yum Kung Soup。HKD128 + 10% @ Small。HKD198 + 10% @ Large青檸梳打 Lime Soda。HKD34 + 10%🤫 尋晚Happy Thursday🫶🏻約咗阿芝出嚟同佢食生日飯..今次揀嘅係前排成日都見到Foodie朋友仔去幫襯..位於銅鑼灣最多嘢食嗰幢百樂中心嘅Milu～話說尋晚食七點鐘..全個場都已經九成滿座..好在我記得Book位啫..如果唔係Walk In分分鐘冇得食🫠🤫 咁呢餐係Belated Birt
。
。
🇹🇭 泰菜 在銅鑼灣 🇹🇭
。Milu Thai มิลู่ไทย
。百樂中心2樓
。
柚子鮮蝦沙律
Grapefruit Salad With Prawn
。HKD98 + 10%
炸蝦餅 Deep Fried Shrimp Cake
。HKD88 + 10%
蒜蓉牛油雞翼 Garlic Butter Chicken Wings
。HKD88 + 10%
香煎薄餅 Pancake
。HKD48 + 10%
咖哩三重奏 配 蒜蓉包粒
Jumbo Curry with Garlic Bread
。HKD218 + 10%
大頭蝦冬蔭公湯 Tom Yum Kung Soup
。HKD128 + 10% @ Small
。HKD198 + 10% @ Large
青檸梳打 Lime Soda
。HKD34 + 10%
🤫 尋晚Happy Thursday🫶🏻約咗阿芝出嚟同佢食生日飯..今次揀嘅係前排成日都見到Foodie朋友仔去幫襯..位於銅鑼灣最多嘢食嗰幢百樂中心嘅Milu～話說尋晚食七點鐘..全個場都已經九成滿座..好在我記得Book位啫..如果唔係Walk In分分鐘冇得食🫠
🤫 咁呢餐係Belated Birthday Treat梗係要食好啲食豪啲啦～兩條友就已經叫咗四個小食一個主食同一份冬陰功🇹🇭嘢食上菜速度都非常之快..吹兩句水飲兩啖青檸梳打就已經嚟齊晒
🤫 嘢食裏邊我最推薦大家叫咖喱三重奏..有齊晒唔同辣度嘅三種咖喱..分別係椰味香濃嘅黃咖喱..些少辣相當惹味嘅紅咖喱同埋刺激味蕾嘅綠咖喱..而且唔同嘅咖喱配唔同嘅海鮮別有一番韻味..黃咖喱有香脆但係偏厚粉嘅炸魚柳..雖然粉漿偏厚但係好處係更加容易朔晒啲咖喱汁..另外仲有兩粒帆立貝..而紅咖喱就有幾隻青口幾隻中蝦同埋鮮魷..海鮮們都非常之爽口味美..至於綠咖喱主要就係有一隻一分為二嘅軟殼蟹..同樣係炸粉偏厚相當朔汁..為咗更加享受三種唔同嘅咖喱汁我哋嗌咗一份食咖喱必叫嘅薄餅..嗰份薄餅勁脆口乾身而且唔油膩..同咖喱汁簡直係Perfect Match👍🏻哎～差啲唔記得..其實咖喱三重奏跟機都有蒜蓉包粒粒🤭Dip咖喱汁食一樣咁爽皮～
🤫 阿芝呢個壽星女就最欣賞Milu嘅蒜蓉牛油雞翼..雞翼隻隻有返咁上下Size..蒜蓉味勁香而且肉質非常滑溜..配埋滿滿嘅炸蒜..惹味又熱氣🤭即刻飲番啖青檸梳打先唔係講笑
🤫 另外一樣食親泰國菜都一定會叫嘅小食就係炸蝦餅..Milu嘅蝦餅都幾抵食..大大份咁樣..而且個蝦膠非常之彈牙..食得相當過癮～
🤫 然後阿芝點名話一定要叫葉無柚子鮮蝦沙律亦都相當唔錯..其實我之前一路都對泰式沙律冇乜興趣..因為總係覺得連沙律都辣真係搞唔掂🤣今次食過之後發現原來同我想像嘅有啲唔同..呢度份沙律嘅柚子非常之甜完全冇苦澀味..而且唔撈勻啲汁嘅話我都唔覺得話好辣..鮮蝦都幾爽口..沙律入邊仲有洋蔥同腰果等等..口感豐富..下次食泰國菜我都會考慮叫呢個沙律試吓～
🤫 最後就係要講吓呢個大頭蝦冬陰功..真係不得了..鍾意食辣嘅人必叫..佢嘅酸辣十足泰國食到嗰啲咁厲害..真係超級香濃..對於我呢啲唔食得辣嘅人嚟講真係又愛又恨..一邊飲一邊叫辣但係又繼續飲..而且嗰隻大頭蝦非常之好肉地..成件事非常好
🤫 其實今次係我第二次幫襯Milu㗎啦..之前嗰次都已經係好幾年前嘅事..當時印象都幾深刻..記得都幾好味嘅..奈何香港飲食業何其發達..好快就已經有新歡就忘記咗舊愛..直至到近排又見到大家提起Milu😋我就急不及待帶阿芝過嚟慶祝生日嘞..阿芝對呢一餐生日飯都非常之滿意🎈恭喜恭喜
。。
翻兜指數：🙆🏻♀🙆🏻♀️️🙆🏻♀️ （5個🙆🏻♀️為翻兜爆燈）
💮已翻兜次數：2次💮
。。
張貼
