影片
更多
2018-03-24
524 瀏覽
今日好好彩，女友竟然肯陪我去太原街買玩具，咁我就買左好多戰利品啦！咁之後就到女友話叫我陪佢食好野啦！而係太原街附近，我就唸起QRE Plaza 啦！果棟大廈基本上係灣仔就愈來愈出名啦！再搵下openrice, 發覺御家e間餐廳都唔錯，咁就試下啦！一上到去，門面都唔錯，有個靚靚魚缸，裏面有龍蝦，有長腳蟹，有毛蟹等等，心唸正呀！咁之後就門口職員安排入座啦！咁餐廳場地非常優雅，坐得舒適，充滿正日本文化，中間有個壽司吧，而亦都放左好多日本酒，但係可惜我又揸左車，如果唔係一定試下d 清酒，咁我地就開始睇下個餐牌先！佢地餐牌都係以海鮮為主打，另外就重有d西餐，日本餐，都幾特別wor，一次過滿足晒幾個願望，如果一大班人去食野嘅時候就唔洗驚有意見分歧，唔食生野果d 就試下西餐law, 或者又可以一齊食下海鮮咁，唔錯唔錯。本身我同女友都想叫隻阿拉斯加蟹食呀！不過就太大隻啦，驚食唔晒，唯有下次多人d先啦！之後我地就叫左個2人餐啦！今次影相我搵埋剛剛太原街嘅戰利品，呀維尼，見到佢枱面都幾特別下，又筷子又刀叉咁，配合返佢地日本餐同西餐嘅特色。前菜係胡麻醬蕃茄沙律菜，好日本式嘅前菜，蕃茄好鮮甜，下面再加上d紅毛
一上到去，門面都唔錯，有個靚靚魚缸，裏面有龍蝦，有長腳蟹，有毛蟹等等，心唸正呀！咁之後就門口職員安排入座啦！
咁餐廳場地非常優雅，坐得舒適，充滿正日本文化，中間有個壽司吧，而亦都放左好多日本酒，但係可惜我又揸左車，如果唔係一定試下d 清酒，咁我地就開始睇下個餐牌先！
佢地餐牌都係以海鮮為主打，另外就重有d西餐，日本餐，都幾特別wor，一次過滿足晒幾個願望，如果一大班人去食野嘅時候就唔洗驚有意見分歧，唔食生野果d 就試下西餐law, 或者又可以一齊食下海鮮咁，唔錯唔錯。本身我同女友都想叫隻阿拉斯加蟹食呀！不過就太大隻啦，驚食唔晒，唯有下次多人d先啦！之後我地就叫左個2人餐啦！
今次影相我搵埋剛剛太原街嘅戰利品，呀維尼，見到佢枱面都幾特別下，又筷子又刀叉咁，配合返佢地日本餐同西餐嘅特色。
胡麻醬蕃茄沙律
13 瀏覽
0 讚好
0 留言
前菜係胡麻醬蕃茄沙律菜，好日本式嘅前菜，蕃茄好鮮甜，下面再加上d紅毛同羅文生菜等嘅沙律菜，d菜同蕃茄都好鮮甜，個蕃茄就去晒皮，雪到凍一凍，好正，個前菜都好開胃。
好啦，跟住就到刺身拼盤啦！拼盤主要就係有甜蝦，池魚同埋三文魚，望落去好似係好普通，但係其實食落去就係非常鮮甜，完全唔同出面食果d, 我就特別鍾意個甜蝦同埋池魚啦！池魚肉質緊實而爽口，略帶油香，而且味道鮮甜，而甜蝦蝦身以甜味作首，甜 蝦刺身則有粘粘的口感，蝦身就非常鮮味，而當你啜埋個蝦頭時候就更加鮮甜無比啦！總結e個併盤就係一個字，鮮！
到壽司啦，分別係佐口魚裙邊壽司同埋油甘魚壽司，店員好細心咁樣叫我地食左個炙燒佐口魚裙邊壽司先，話係即燒呀！凍左就唔好食啦！咁我地就即刻食啦，佢表面就燒得剛剛好，燒到舊魚半熟，唔會話太乾同埋好大陣火燒味，表面醬油味道都剛剛好。之後就到油甘魚壽司啦！油甘魚顏色帶粉紅色，食落去都好鮮甜，絕對能夠媲美專業壽司店。
食完e幾道菜，感覺上都係一人一舊野食，都真係唔係好夠飽肚，但係就勝在好味，愈來愈期待果兩款西式主菜啦！
好啦！跟住到安格斯出場啦！雖然餐牌寫係6oz, 但係感覺上都幾大舊，定係因為d薯蓉 墊底視覺上大碟左呢？！等我而家就試下先！首先就食薯蓉，食得出佢係人手壓薯仔整出黎呀！而唔係用果d薯蓉粉開呀！而且好香cream同埋牛油味！好味好味！到舊牛啦，我就order 左5成熟，師傅都煎得非常好，牛排中間重帶有血紅色，但係就唔係話血淋淋咁樣，食落去都好香牛味，有種入口即溶嘅口感，而且帶油花，口感最軟嫩，同埋自然。 同埋師傅都無咩落味去煎佢，只係之後點少少燒汁就好夠味啦！兩個人原來係剛剛好呀！
香煎大蝦香草意大利麵
14 瀏覽
0 讚好
0 留言
跟住到意粉啦！香煎大蝦意大利粉，面頭有隻虎蝦，但係兩個人share都幾奇怪，不過食落去隻蝦都煎到好香，到意粉啦，意粉烚嘅時間控制得非常準確，麵質非常彈牙，而個汁都做得非常入味，食落去就重有d蕃茄乾，幾特別，好彩個意粉都幾大碟，最後兩個都飽晒啦！
18 瀏覽
0 讚好
0 留言
最後就係甜品啦，今日係北海道牛乳布甸，賣相雖然係好似好簡單，但其實食落去真係好好好味喔！，非常之香牛奶味，同埋口感非常好，我地兩個都清晒，下次我一定會黎試下隻蟹呀！
張貼
