834
20
4
合和中心對面，港鐵灣仔站D出口
繼續閱讀
電話號碼
95388971
開飯介紹
餐廳環境優雅，在中央設有大型吧台，並有VIP房。餐廳內有大型魚缸，海鮮即撈即煮，絕對新鮮。
繼續閱讀
營業時間
今日營業
12:00 - 15:30
18:00 - 22:30
星期一至日
12:00 - 15:30
18:00 - 22:30
公眾假期
12:00 - 15:30
18:00 - 22:30
公眾假期前夕
12:00 - 15:30
18:00 - 22:30
以上資料只供參考, 請與餐廳確認詳情
有關獎賞計劃
招牌菜
食家推介
相關文章
呢間餐廳喺灣仔QRE商場26樓，喺利東街出口行一陣就到，都算易搵環境十分清幽，仲有大大個魚缸，好多新鮮嘅海鮮！今日食飯，餐廳送咗一份漬物，係醃蓮藕同大根，酸酸甜甜，十分開胃先叫咗「小食三點」（$136，$68／份）：第一點係桂花糖漬物（車厘茄、大根）酸甜開胃，仲有淡淡嘅桂花味，感覺清新一啲另外又有沙律菜，新鮮之餘，沙律菜嘅口感都幾扎實然後係鯖魚蓮藕，鯖魚刺身本身油脂感都足夠，再加入埋蛋黃醬，就更加滑溜之後叫咗兩客「蔬菜湯」（$72，$36／份）蔬菜湯嘅湯底本身唔算太厚，唔會heavy，再加埋好多嘅配料例如洋蔥、青瓜等等，輕盈得嚟又好滋味主食叫咗一客「黑松露焗春雞鮑魚汁飯」（$398）焗雞之前，侍應拎咗成盤雞比我哋睇，食足一隻雞，份量超足，好震撼！焗完出嚟，香氣四溢，更加吸引，春雞肉質十分鮮嫩，一啲都唔鞋；加上有好濃香嘅油香、香草同黑松露味道，令人食唔停口！而雞油滲落下面嘅鮑魚汁飯度，又令個飯更加惹味，帶出鹹香，應該仲落咗少少蜜糖，補足返啲甜味，層次十分豐富而個飯上面鋪咗好多蜆，蜆肉大大嚿，加咗落去可以令成盤飯無咁油膩，更加鮮香，真係神來之筆
繼續閱讀
餐廳：Misu Seafood Cuisine地點：灣仔皇后大道東QRE Plaza菜式：日式海鮮餐牌：午市有多款午市套餐同行政套餐，小食，甜品，飲品今日每人叫左一個午市套餐。鮑魚汁鮮蜆焗黑松露雞飯 $168 另加一鮑魚汁鮮蜆焗黑松露雞飯用成個有蓋鍋上枱，熱辣辣！入面有六隻連殼蜆，質感鮮嫩。雞肉大概有半隻，一開六份，有齊雞胸雞脾同雞翼，雞皮入面原來加左黑松露醬，味道都可以，黑松露味好輕手。下底一層薄薄飯底，仲有少少飯焦添，個汁味道少少甜，食落帶濃濃醬汁味，好食呀！火炙牛則腹肉配黑松露汁煮洋蔥醬蓋飯 $168 另加一火炙牛則腹肉配黑松露汁煮洋蔥醬蓋飯賣相一流，好多片火炙牛則腹肉圍住蓋住d飯同洋蔥絲，中間一隻流心蛋加蔥花。牛肉口感好嫩，味道甜甜酸酸，唔錯。飯粒有口感，撈埋雞蛋黃一齊食滑溜又多汁。午市套餐包小食三點，是日湯品，迷你雪米糍，可樂或檸檬茶。小食三點賣相精緻，一齊用一隻長碟上枱。左至右有醋漬鯖魚，雜菜沙律同糖漬車厘茄串。醋漬鯖魚加有少少沙律醬，味道酸酸地，魚既質感唔錯，下底墊有糖漬爽脆蓮藕片。雜菜沙律新鮮爽脆，仲有雨衣甘藍添，加有少少香甜黑醋，味道唔錯。糖漬車厘茄串有兩粒車厘茄中間加有一件白蘿蔔，味道酸酸甜甜，好醒胃。是日湯品係豆乳味噌湯，少見，味道香鹹，口感會比普通滑溜。迷你雪米糍係芒果味，飯後一點甜。凍柚子蜜 跟餐加$8凍柚子蜜微甜，飲落唔會太甜。青檸檬梳打 跟餐加$22青檸檬梳打大大杯，有兩片青檸，味道酸酸咪咪，好解渴。總括而言，食物質素唔錯。以呢度環境黎講，午市套餐算抵食。
繼續閱讀
1. 精選壽司刺身盛合 (午市套餐 Set D) $238有2件油甘魚刺身、兩隻甜蝦刺身、2件加州卷、同埋有6件壽司，包括帶子、三文魚、鮑魚、海膽等等。油甘魚切得好厚身，完全唔腥；甜蝦肉質好爽口，而且好鮮甜，感覺好新鮮；壽司方面，醋飯調味啱啱好，飯粒粒粒分明，帶子好肥美鮮甜，三文魚正常，鮑魚係半隻機煮鮑魚，鮑魚調味好入面。口感好彈牙，海膽質量好好，入口即溶。🌟 評分: 8/102. 慢煮紅酒和牛面頰 配珍珠飯 (午市套餐 Set H) $228紅酒燴和牛面頰有2大件，醬汁濃郁，醬油用咗紅酒同蕃茄調味，甜同酸既味道渗透晒入和牛面頰同蔬菜到。和牛面頰十分厚切，筋位煮到非常軟熟，而且入口既好有膠質，而且肉既質感係非常之腍，和牛既香味鋪滿成個口腔。你又two蛋先呀唔凍啊。🌟 評分: 8/103. 細烏冬烏冬嘅湯底係用咗魚湯，魚湯非常香濃，而且冇咗好多嘅調味，更加飲到魚嘅鮮味，而且烏冬好滑，質感比較彈牙。🌟 評分: 8/104. 野菜沙律沙律有兩款沙律菜作為開胃菜，第一個大量既飽滿蟹籽加上蟹肉，再加上牛油果配以日式柚子醋，層次多元，非常開胃；第二個係蝦肉沙律，有2隻每隻熟蝦肉係表面，蝦肉好彈牙鮮甜，配加柚子醋都幾夾。🌟 評分: 7/105. 日式蒸蛋嫩滑既茶碗蒸，加入蟹肉同高湯一齊蒸煮，仲有少少菇係入面，蛋味香濃又嫩滑。🌟 評分: 7/106. 麵䜴湯用咗大量黃芽白熬製出嚟嘅麵豉湯，湯頭都有好多黃芽白，麵豉湯飲落多咗份清甜，而黃芽白吸晒麵豉湯嘅香味，估唔到麵豉湯同黃芽白都可以咁夾。🌟 評分: 7.5/107. 雪米滋雪米糍個皮好薄，入面係雲呢拿雪糕。🌟 評分: 7/108. 雪糕粟米片加朱古力雪糕，粟米片可以增加雪糕好感，令雪糕多咗一份爽脆感，同埋中和朱古力雪糕既甜。🌟 評分: 7/10🎖️整體評分🎖️❤️ 味道: 7.5/10🧡 環境: 8/10💛 服務: 8/10💙 性價比: 8/10 📍 Misu Seafood Cuisine (灣仔)灣仔皇后大道東202號QRE Plaza 26樓
繼續閱讀
上次食蠔屋，乘搭電梯時見到樓上有一間日式海鮮餐廳，已決定一試。原來午餐只有套餐供應，我們便叫了兩個行政午餐和一個小食。稱為極上海鮮卷的卷物內裡是拖羅，上面鋪了帶子、吞拿魚蓉和蟹籽。當肥美的拖羅踫上鮮香爽滑的帶子時，一放入口簡直是豐腴極致！再加上軟腍的吞拿魚蓉和卜卜脆的蟹籽，果然是極上之作！可惜跟住的套餐就完全是另一回事。首先，變異事件一：明明餐牌上寫著的是「日式海葡萄牛油果蟹肉沙律」，變成兩隻蝦加數粒蟹籽的沙律，既沒有海葡萄、也欠缺蟹肉。又是重複的蟹籽，直接是無限loop的感覺！不可以說難食，但根本與預期是180°的反差。茶碗蒸的蛋是滑溜溜的，熱騰騰送進嘴裡真心不錯。無奈蒸蛋的配料只有無厘頭的兩條菇以及數塊昆布，沒甚麼味道，需加入沙律的汁和豉油才好些。套餐裡並非一般的味噌湯，而是店方的招牌鮮打魚湯。小人覺得似是一碗沒有拉麵的拉麵湯，然而最要命的是腥到無朋友，恕小人未懂得欣賞。龍蝦半隻加刺身三款有點雷聲大雨點小的感覺。一大隻龍蝦殼僅為裝飾，已佔了碟子的一半。旁邊有些碎濕濕的龍蝦肉，亦是調味不足。魚生是三文魚、白身魚及帶子，還算過得去。反為蕎麥麵爽身，趁酸汁食還好。扒龍蝦鮮蜆鮑魚汁焗飯的龍蝦好吃很多，肉質不老，更有蝦膏。雖然鮮蜆不怎麼甜，更有一隻沒開口；幸好鮑魚汁焗飯濕潤入味，加了不少分數。至於變異事件二發生在甜品處：就是「鮮果脆脆雪糕杯」走鮮果。杯內很明顯只有一球朱古力雪糕、一條脆筒及一些粟米片。說好的鮮果呢？不知跑到那裡去。至於齋啡很香很醇，能夠一解膩滯。其實如果捧出來的食物跟餐牌有所不同，是否向食客先說一聲會較好呢？對辦與否，難以言之。
繼續閱讀
朋友約今日嚟灣仔食lunch，我哋本身冇特別心水，決定嚟出名多選擇嘅QRE Plaza搵間餐廳試吓,見到呢間餐廳好似好吸引,一於入去試吓❤️上到去果然冇揀錯，地方非常闊落光猛，午市期間雖然呢幢大廈咁多餐廳，但依然滿座，肯定質素有返咁上下保證😋我哋叫咗兩個午市套餐share食，每個套餐都有間野菜沙律,日式蒸蛋, 餐湯,雪米磁 (甜品)🥢野菜沙律非常新鮮，面頭仲有新鮮蟹籽脆卜卜做點綴，非常吸引。店員好細心提我要小心燉蛋熱，因為啱啱燉起😋湯飲得出好鮮味🥢Misu 丼(拖羅|北海 道牡丹蝦|特選時令魚 | 北海道帆立貝 | 三文 魚籽 | 三文魚刺身) - 刺身控嘅我哋梗係唔會放過嚟呢間海鮮餐廳食刺身，刺身種類好多，有牡丹蝦，帆立貝，三文魚刺身，拖羅等，種類繁多，仲要非常厚切。🥢鮮蜆魷魚湯烏冬- 見到呢個係店員推介，一試果然冇令到我哋失望！個湯頭飲得出係用咗大量嘅鮮蜆去煲，再配合埋魷魚，個湯非常濃郁鮮甜，新鮮烏冬吸晒魚湯大蜆精華，仲有有少少胡椒粉味，暖笠笠，啱晒呢啲天氣飲😋最尾食埋個雪米糍做飯後甜品，滿足晒❤️呢間餐廳啲店員非常貼心同有禮貌，好適合同朋友同事過嚟食飯，下次試埋佢嘅晚市套餐先❤️
繼續閱讀